செய்திகளை வெளியிட்டால் பணம் தர வேண்டும்:கூகுள், முகநூலுக்கு ஆஸ்திரேலிய அரசு நிபந்தனை

by **ayyasamy ram** Tue Apr 21, 2020 7:43 am

கான்பெர்ரா: செய்திகளை வெளியிட்டால் பணம் தர வேண்டும்
என்று கூகுள் மற்றும் முகநூல் நிறுவனங்களுக்கு ஆஸ்திரேலிய
அரசு அறிவுறுத்தியுள்ளது.

கரோனா நோய்த்தொற்று பிரச்னையால் ஊடகங்களின் விளம்பர
வருவாய் பாதிக்கப்பட்டுள்ளதை அடுத்து ஆஸ்திரேலிய அரசு
இவ்வாறு கூறியுள்ளது.

இது தொடா்பாக ஆஸ்திரேலிய நிதியமைச்சா் ஜோஷ் ஃபிரைடென்பா்க்
கூறுகையில், ‘ஊடகங்களில் வெளியாகும் செய்திகளை கூகுள்,
முகநூல் நிறுவனங்கள் தங்கள் இணையதளத்தில் வெளியிட்டால்
அதற்குரிய பணத்தை செலுத்த வேண்டும்.

ஏற்கெனவே, பிரான்ஸ், ஸ்பெயின்ஆகிய நாடுகளில் கூகுள் நிறுவனம்
இதுபோல பணம் கொடுத்துதான் செய்திகளை தங்கள் இணைய
தளங்களில் வெளியிட்டு வருகின்றன. இப்போது, நாம் எதிா்கொண்டுள்ள
நிதி நெருக்கடியை புரிந்து கொள்ள வேண்டும்.

பல ஊடக நிறுவனங்கள் விளம்பரங்கள் இன்றி வருவாய் இழப்பை
சந்தித்து வருகின்றன. செய்திகள் மூலம் தங்கள் இணையதளத்துக்கு
வர பலரை கூகுள் ஈா்க்கிறது. எனவே, அவா்கள் கண்டிப்பாக உரிய
கட்டணம் செலுத்த வேண்டும்.

கூகுள் இணையதளத்தில் 10 சதவீதம் செய்தி அறிக்கைகள் குறித்தே
தேடப்படுகின்றன’ என்றாா்.

இது தொடா்பாக கருத்துத் தெரிவித்துள்ள கூகுள், ‘25-க்கும் மேற்பட்ட
ஆஸ்திரேலிய ஊடகங்கள் தாங்களாகவே முன்வந்து செய்திகளை
அளித்து வருகின்றன. இப்போது ஆஸ்திரேலிய அரசின் புதிய உத்தரவு
குறித்து பரிசீலித்து முடிவெடுப்போம்’ என்று கூறியுள்ளது.

ஆஸ்திரேலியாவில் பல செய்தி நிறுவனங்கள் நாளிதழ்களை அச்சிடுவதை
நிறுத்திவைத்துள்ளன. விளம்பர வருமானம் இல்லாததே இதற்கு காரணம்.

தினமணி

கூகுள் நிச்சயம் கொடுத்து உதவலாம்....

by Guest Tue Apr 21, 2020 1:41 pm

கொள்ளை இலாபம் அடிக்கும் முக நூல் ,கூகிள், AdSence மூலம் பதிவர்களுக்கு கிள்ளிக் கொடுக்கிறது. அரசுக்கு கிள்ளி அல்ல அள்ளிக் கொடுக்கலாம்.

by Sponsored content

செய்திகளை வெளியிட்டால் பணம் தர வேண்டும்:கூகுள், முகநூலுக்கு ஆஸ்திரேலிய அரசு நிபந்தனை

செய்திகளை வெளியிட்டால் பணம் தர வேண்டும்:கூகுள், முகநூலுக்கு ஆஸ்திரேலிய அரசு நிபந்தனை

Re: செய்திகளை வெளியிட்டால் பணம் தர வேண்டும்:கூகுள், முகநூலுக்கு ஆஸ்திரேலிய அரசு நிபந்தனை

Re: செய்திகளை வெளியிட்டால் பணம் தர வேண்டும்:கூகுள், முகநூலுக்கு ஆஸ்திரேலிய அரசு நிபந்தனை

Re: செய்திகளை வெளியிட்டால் பணம் தர வேண்டும்:கூகுள், முகநூலுக்கு ஆஸ்திரேலிய அரசு நிபந்தனை