இவள் ஒரு பாடகி, ஆனால் பெண் அல்ல… - விடுகதைகள்

**ayyasamy ram** · **ayyasamy ram** Mon Apr 20, 2020 10:11 am

1. இடி இடிக்கும், மின்னல் மின்னும் ஆனாலும் மழை
பெய்யாது…
-
2 பறந்தபடி பாடுவான்…
உட்கார்ந்தால் உதிரம் குடிப் பான்…
-
3 வெய்யிலுக்குக் காய்வான்,
தண்ணீருக்குப் பொங்கு வான்..
-
4 ஊரிலிருந்து வாங்கி வந்த உருண்டை,
உரிக்க உரிக்க வெறுந்தோல்…
-
5 இவள் ஒரு பாடகி, ஆனால் பெண் அல்ல…
-
6 திரி இல்லாத விளக்கு, என்ன விளக்கு?
-
7 ஓடுகிற குதிரைக்கு விலாவெல்லாம் ஓட்டை…
-
வெள்ளை மாளிகைக்கு வாசலும் இல்லை,
வழியும் இல்லை…
-
9. வரிசைக்கு வரும் முந்தி, வெளியே போகும் பிந்தி…
-
-----------------------
விடை சொல்லுங்கள்

Guest · Guest Mon Apr 20, 2020 2:00 pm

இது ஜுஜுபி கேள்விகள். ஆனாலும் ஒரு தவறு.
5. இவள் ஒரு பாடகி, ஆனால் பெண் அல்ல…
இது தவறு ..................பாடகன்....ஆண் என வரவேண்டும்.
ஆண் குயிலின் சங்கீதக்குரலுடன் ஒப்பிட்டால் பெண் குயிலின் கிக் - கிக் - கிக் என்ற கூப்பாடு வெறும் கத்தல் எனலாம்.ஆண் குயில் இனிமையாக கூவும். பெண் குயில் கத்தி குஞ்சுகளை எச்சரிக்கும்.

விடை.
பட்டாசு, கொசு, சுண்ணாம்பு,வெங்காயம், குயில், சூரியன், தொடர்வண்டி , முட்டை,
வாழை இலை

**ayyasamy ram** · **ayyasamy ram** Mon Apr 20, 2020 2:25 pm

சக்தி18 wrote:இது ஜுஜுபி கேள்விகள். ஆனாலும் ஒரு தவறு.
5. இவள் ஒரு பாடகி, ஆனால் பெண் அல்ல…
இது தவறு ..................பாடகன்....ஆண் என வரவேண்டும்.
ஆண் குயிலின் சங்கீதக்குரலுடன் ஒப்பிட்டால் பெண் குயிலின் கிக் - கிக் - கிக் என்ற கூப்பாடு வெறும் கத்தல் எனலாம்.ஆண் குயில் இனிமையாக கூவும். பெண் குயில் கத்தி குஞ்சுகளை எச்சரிக்கும்.

விடை.
பட்டாசு, கொசு, சுண்ணாம்பு,வெங்காயம், குயில், சூரியன், தொடர்வண்டி , முட்டை,
வாழை இலை
-
விடைகள்...ஓ.கே
-
ஆண்குயில் - விளக்கம்

மேற்கோள் செய்த பதிவு: 1317855

**ayyasamy ram** · **ayyasamy ram** Mon Apr 20, 2020 2:32 pm

ஆண் குயிலின் கூவல்
---------------------
(பெண்களின்) இனிமையான குரல் வளத்திற்கு உவமையாக குயிலின்
கூவலைக் கூறுதல் வழக்கத்தில் இருந்தாலும், உண்மையில் இனிமையான
குவூ குவூ சத்தத்தை எழுப்புவது ஆண்குயிலே.

தாழ்ந்த ஒலியுடன் இனிமையாகத் துவங்கும் குவூ கூப்பாடு படிப்படியாக
சத்தம் அதிகரித்து, ஏழாவது அல்லது எட்டாவது கூப்பாட்டுடன் திடுமென
நின்று விடும்; பிறகு மீண்டும் அதே கதியில் பாடல் ஆரம்பிக்கும்.

ஆண் குயிலின் சங்கீதக்குரலுடன் ஒப்பிட்டால் பெண் குயிலின் கிக் - கிக் - கிக்
என்ற கூப்பாடு வெறும் கத்தல் எனலாம்.
----------------------
-

ஆண் குயில்
குயில் என்றதும் நம் அனைவரின் நினைவுக்கும் வருவது அதன் குரல்தான்.
ஆனால் அந்தக் குயிலுக்குள் ஒரு குள்ள நரித் தனம் ஒளிந்திருப்பது எவ்வளவு
பேருக்குத் தெரியும் ?

மற்ற பறவைகளைப் போல குயிலுக்கு கூடு கட்டிக் குடும்பம் நடத்தத் தெரியாது.
அது இனப் பெருக்கம் செய்ய வேண்டிய நாட்களில் பெரும்பாலும் ஒரு காகத்தின்
கூட்டினைத் தேடிச் சென்று அக்கூட்டிலிருந்து ஆண் குயில் ஒரு முட்டையினைத்
திருடிச் செல்லும்.

காகம் ஆண் பறவையினைத் துரத்திச் செல்லும் போது பெண் குயில் காகத்தின்
கூட்டில் தன் முட்டையினை இட்டுவிடும்.
-
-----------------------------------------------
-

குயில்களில் பல வகை உண்டு. குரல் கேட்டு நாம் மகிழும் குயில் ஒன்று.
இது கொஞ்சும் குயில் என்றால் மற்றொரு குயிலின் பெயர் கெஞ்சும்
குயில் (Plaintive cuckoo).

“அக்கூ ... அக்கூ ...” என்று கூவும் இப்பறவையை ஆற்றில் அடித்துச்
செல்லப்பட்ட தன் அக்காவை நினைத்து அழுவதாக நம்பும் நம் மக்கள்
இதனை அக்கூ பக்ஷி என்றழைப்பார்கள்.

Sponsored content · Sponsored content

இவள் ஒரு பாடகி, ஆனால் பெண் அல்ல… - விடுகதைகள்

இவள் ஒரு பாடகி, ஆனால் பெண் அல்ல… - விடுகதைகள்

Re: இவள் ஒரு பாடகி, ஆனால் பெண் அல்ல… - விடுகதைகள்

Re: இவள் ஒரு பாடகி, ஆனால் பெண் அல்ல… - விடுகதைகள்

Re: இவள் ஒரு பாடகி, ஆனால் பெண் அல்ல… - விடுகதைகள்

Re: இவள் ஒரு பாடகி, ஆனால் பெண் அல்ல… - விடுகதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக