நிவாரண உதவிகள் வழங்க அனுமதி பெற தேவையில்லை- திமுக வழக்கில் ஐகோர்ட் தீர்ப்பு

**ayyasamy ram** · **ayyasamy ram** Thu Apr 16, 2020 3:39 pm

சென்னை:

ஊரடங்கால் பாதிக்கப்பட்ட மக்களுக்கு தன்னார்வலர்கள் மற்றும் அரசியல் அமைப்புகள் சார்பில் உணவு உள்ளிட்ட நிவாரணப் பொருட்களை நேரடியாக வழங்க அரசு தடை விதித்தது. சமூக விலகலை பின்பற்றாமல் நிவாரணப் பொருட்கள் வழங்கப்படுவதால் நோய்த் தொற்று ஏற்படும் அபாயம் இருப்பதால் கட்டுப்பாடுகள் விதிக்கப்பட்டதாக தெரிவிக்கப்பட்டது.

இந்த அறிவிப்பை எதிர்த்து திமுக சார்பில் சென்னை உயர்நீதிமன்றத்தில் வழக்கு தொடரப்பட்டது. ஏழை, எளியோருக்கு திமுக சார்பில் வழங்கப்படும் நிவாரணத்தை உள்நோக்கத்துடன் தடுத்துள்ள அரசின் அறிவிப்பை ரத்து செய்ய வேண்டும் என்று திமுக தனது மனுவில் தெரிவித்திருந்தது. இதேபோன்று மதிமுக, காங்கிரஸ் தரப்பிலும் பொதுநல மனுக்கள் தாக்கல் செய்யப்பட்டன.

உணவுகளை வாங்க மக்கள் கூடுவதால் கொரோனா பரவும் அபாயம் இருப்பதாக அரசு தரப்பில் வாதிடப்பட்டது. சமூக விலகலை கடைபிடித்தும், மக்கள் கூட்டம் சேராதவாறும் உதவிகள் வழங்கப்படுவதாக திமுக தரப்பில் தெரிவிக்கப்பட்டது. பின்னர் தமிழக அரசு பதிலளிக்க உத்தரவிட்டதுடன் இன்று தீர்ப்பு வழங்கப்படும் என தெரிவித்தனர்.

அதன்படி இவ்வழக்கு இன்று மீண்டும் விசாரணைக்கு வந்தது. அப்போது, சேவை மனப்பான்மையுடன் உதவ வேண்டும் என்றால் அரசின் விதிமுறைகளை கடைப்பிடிக்க வேண்டும் என அரசுத் தரப்பு வழக்கறிஞர் வாதாடினார். நிவாரணம் வழங்கும் நபர்களில் ஒருவருக்கு தொற்று இருந்தால்கூட மிகப்பெரிய பாதிப்பை ஏற்படுத்தும். கண்ணுக்கு தெரியாத எதிரியிடம் அரசு போரிட்டு வருகிறது என்றும் அவர் கூறினார்.

பின்னர் தீர்ப்பு வழங்கிய நீதிபதிகள், நிவாரணப் பொருட்கள் வழங்குவது தொடர்பாக அதிகாரிகளிடம் அனுமதி பெறத் தேவையில்லை என்றும், தகவல் தெரிவித்தால் மட்டும் போதும் என்றும் தெரிவித்தனர்.

48 மணி நேரத்திற்கு முன்பாக தகவல் தெரிவித்துவிட்டு
நிவாரணப் பொருட்களை வழங்கலாம் என்றும்,
நிவாரணப் பொருட்களை வழங்குவதற்கு 3 பேர் மட்டுமே
செல்ல வேண்டும் என்றும் நீதிபதிகள் கூறினர்.
-
மாலைமலர்

சிவனாசான் · சிவனாசான் Thu Apr 16, 2020 7:23 pm

உத்தரவை பிறப்பித்து விட்டார்கள் நடை முறை படுத்துவதை யார் கண்காணிப்பது. வர வர நீதிமான்கள் மக்கள் பிரச்சனை வழக்குகளை விரைவு காணாமல் அரசியல் ஆதாய வழக்குகளையே முன்நிறுத்தி தீர்ப்பு வழங்க விரும்புகிறதோ. சட்டம் மட்டுமே படித்து உட்கார்ந்த இடத்தில் தீர்ப்பு வழங்குவதை தனவான்கள் ஏற்காமல் மேல் முறையீடு செய்து காலம் கடத்துவதை நீதிமான்கள் கவலை கொள்வதில்லை. நிர்வாக படிப்பும் சற்று குற்ற சட்டஅறிவும் பெற்று பணியாற்றும் மாவட்ட ஆட்சியர்களுக்கும் துறை செயலர்களுக்கும் இல்லாத நிர்வாகமா நீதி மான்களுக்கு உள்ளது. அதற்கு மக்கள் பிரதிநிதிகள் அரசு பணியாளர்கள் இல்லாமலே ஆட்சி நடத்தலாம் கோர்ட்டையே வைத்துக்கொண்டு. என்னங்க எல்லாவற்றிற்கும் கோர்ட் தலையிடுவது மக்களாட்சிக்கு தத்துவத்திற்கு அவ்வளவு நல்லதல்ல ....

நிவாரண உதவிகள் வழங்க அனுமதி பெற தேவையில்லை- திமுக வழக்கில் ஐகோர்ட் தீர்ப்பு

நிவாரண உதவிகள் வழங்க அனுமதி பெற தேவையில்லை- திமுக வழக்கில் ஐகோர்ட் தீர்ப்பு

Re: நிவாரண உதவிகள் வழங்க அனுமதி பெற தேவையில்லை- திமுக வழக்கில் ஐகோர்ட் தீர்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக