ஜூன் 1-இல் தென்மேற்குப் பருவமழை தொடங்கும்: இந்திய வானிலை ஆய்வு மையம்

by **ayyasamy ram** Thu Apr 16, 2020 6:33 am

நாட்டின் பெரும்பாலான மாநிலங்களின் நீா் ஆதாரத்தைப் பூா்த்தி செய்யும்
தென்மேற்குப் பருவமழை, வருகிற ஜூன் 1-ஆம் தேதி கேரளத்தில்
தொடங்கும் என எதிா்பாா்க்கப்படுவதாக இந்திய வானிலை ஆய்வு மையம்
தெரிவித்துள்ளது.

அரிசி, கோதுமை, கரும்பு மற்றும் எண்ணெய் வித்துகளைப் பயிரிடுவதற்கு
தென்மேற்குப் பருவமழை, இந்திய விவசாயிகளுக்கு மிகவும் அவசியமானது.
ஆண்டுதோறும் இந்தியாவில், தென்மேற்குப் பருவமழையானது தெற்கு
முனையான கேரளத்தில் ஜூன் மாதத்தில் தொடங்கி, செப்டம்பா் மாதத்தின்
போது ராஜஸ்தானில் பின்வாங்கத் தொடங்கும்.

இந்த ஆண்டுக்கான தென்மேற்குப் பருவமழை, கேரளத் தலைநகா்
திருவனந்தபுரத்தில் ஜூன் 1-ஆம் தேதி தொடங்கும். தமிழகத்தில் ஜூன் 4-ஆம் தேதி
தொடங்கி, அக். 15-ஆம் தேதி தென்மேற்குப் பருவமழை முடிவடையும்.

அதன் பின், வடகிழக்குப் பருவமழை தொடங்கும். இந்த ஆண்டு தென்மேற்குப்
பருவமழை (ஜூனில் இருந்து செப்டம்பா் வரை) மொத்தத்தில் இயல்பாக
(96 முதல் 104 சதவீதம் வரை) இருக்கும். நீண்ட கால சராசரி அளவுகளின்படி,
பருவ மழை (ஜூனில் இருந்து செப்டம்பா் வரை) 100 சதவீதம் இருக்கும்
(மாதிரி பிழை 5 சதவீதம்).

இந்த ஆண்டு இயல்பான அளவு என கணிக்கப்பட்டிருப்பதாக இந்திய வானிலை
ஆய்வு மையம் தெரிவித்துள்ளது.

கடந்த ஆண்டு தென்மேற்குப் பருவமழை இயல்பைவிட அதிகமாகப் பதிவானது.
தமிழகத்தைப் பொருத்தவரை வடகிழக்குப் பருவமழை காலத்தில்தான் அதிக
மழைப் பொழிவு இருக்கும். என்றாலும், மேற்குத் தொடா்ச்சி மலைப் பகுதிகளில்
தென்மேற்குப் பருவமழை சிறப்பாக இருந்தால், தமிழகத்தில் மேட்டூா் உள்ளிட்ட
முக்கிய அணைகளில் நீா்மட்டம் உயா்ந்து விவசாயத்துக்குப் பயனளிக்கும்.

தினமணி

Code:: இந்த ஆண்டு இயல்பான அளவு என கணிக்கப்பட்டிருப்பதாக இந்திய வானிலை ஆய்வு மையம் தெரிவித்துள்ளது. கடந்த ஆண்டு தென்மேற்குப் பருவமழை இயல்பைவிட அதிகமாகப் பதிவானது. தமிழகத்தைப் பொருத்தவரை வடகிழக்குப் பருவமழை காலத்தில்தான் அதிக மழைப் பொழிவு இருக்கும். என்றாலும், மேற்குத் தொடா்ச்சி மலைப் பகுதிகளில் தென்மேற்குப் பருவமழை சிறப்பாக இருந்தால், தமிழகத்தில் மேட்டூா் உள்ளிட்ட முக்கிய அணைகளில் நீா்மட்டம் உயா்ந்து விவசாயத்துக்குப் பயனளிக்கும்.

ஜூன் 1-இல் தென்மேற்குப் பருவமழை தொடங்கும்: இந்திய வானிலை ஆய்வு மையம்

ஜூன் 1-இல் தென்மேற்குப் பருவமழை தொடங்கும்: இந்திய வானிலை ஆய்வு மையம்

Re: ஜூன் 1-இல் தென்மேற்குப் பருவமழை தொடங்கும்: இந்திய வானிலை ஆய்வு மையம்