இலங்கை சிங்களவருக்குரிய நாடா? மறுக்கின்றார் பொன்சேகா

rikniz · rikniz Wed Jan 06, 2010 8:57 pm

இலங்கை சிங்களவருக்குரிய நாடு என்று தான் எந்வொரு வெளிநாட்டு ஊடகத்திற்கும் தெரிவிக்கவில்லையென சிறிலங்காவின் அதிபர் தேர்தலில் போட்டியிடும் வேட்பாளரும் சிறிலங்காவின் முன்னாள் இராணுவத்தளபதியுமான ஜெனரல் சரத்பொன்சேகா தெரிவித்துள்ளார்.
நேற்றைய தினம் கிழக்குப் பகுதியில் நடைபெற்ற தேர்தல் பிரச்சார கூட்டம் ஒனறில் இதனை அவர் தெரிவித்துள்ளார். நேற்றை தினம் கிழக்கு மாகாணத்தில் காத்தான்குடி, கல்முனை அம்பாறை என பல இடங்களில் இவரது தேர்தல் பிரச்சார கூட்டங்கள் நடைபெற்றன. இதனையொட்டி கிழக்கில் பரவலாக பாதுகாப்பு ஏற்பாடுகள் கடுமையாக இருந்ததாக எமது மீனகம் செய்தியாளர் தெரிவிக்கி்ன்றார்.
காத்தான்குடி நகரில் இடம்பெற்ற பிரச்சார கூட்டத்திலேயே பொன்சேகா இந்த மறுப்பினை வெளியிட்டார். தனது கருத்தை அந்த வெளிநாட்டு ஊடகம் திரிவுபடுத்தி வெளியிட்டுள்ளதாக அவர் மேலும் தெரிவித்தார். இலங்கையில் வாழும் அனைத்து இன மக்களுக்கும் இலங்கை சொந்தமான நாடு என தான் உறுதியாக கூறுவதாகவும் அவர் அங்கு குறிப்பிட்டார்.
இலங்கை சிங்களவருக்குரியநாடு என்ற கருத்தும், தமிழக அரசியல்வாதிகள் கோமாளிகள் என்ற அவரது கருத்தும் அண்மைக்காலங்களில் பெரும் சர்ச்சைகளை ஏற்படுத்தியிருந்தது. தமிழ மக்களின் நலன்களில் பெரிய கரிசனை ஏதும் காட்டாத பொன்சேகா அண்மைக்காலங்களில் தமிழ்மக்களை கவரும் வகையில் தமிழர் தாயகப்பபகுதிகளில் தேர்தல் பிரச்சாரங்களில் ஈடுபட்டுபேசிவருகின்றார்.
— மீனகம் செய்தியாளர்

இலங்கை சிங்களவருக்குரிய நாடா? மறுக்கின்றார் பொன்சேகா

இலங்கை சிங்களவருக்குரிய நாடா? மறுக்கின்றார் பொன்சேகா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக