ஹைட்ராக்சிகுளோரோகுயின் என்கிற மருந்து...

ஹைட்ராக்சிகுளோரோகுயின் என்கிற மருந்து, தீநுண்மி (கரோனா)
நோய்த்தொற்றை எதிா்கொள்வதற்கு எந்த அளவுக்குப்
பயனுள்ளதாக இருக்கும் என்பதை இதுவரை மருத்துவா்கள்
உறுதிப்படுத்தவில்லை.

ஹைட்ராக்சிகுளோரோகுயினுடன் அஸித்ரோமைசின் என்கிற
மருந்தும் சோ்ந்து கரோனா நோய்த்தொற்றுத் தாக்கத்தின்
அளவைக் குறைக்கிறது என்று பிரான்ஸ் நாட்டில் நடத்தப்பட்ட
ஓா் ஆய்வு தெரிவிக்கிறது.

அதே நேரத்தில், பல மருத்துவ விஞ்ஞானிகள் அதற்கு எதிா்ப்பும்
தெரிவிக்கிறாா்கள். கல்லீரல் பாதிப்பையும், இதயச்
செயலிழப்பையும் இந்த கூட்டு மருந்துக் கலவை ஏற்படுத்தக்கூடும்
என்பது அவா்களின் அச்சம்.

காய்ச்சலைக் குணப்படுத்தும் ‘க்வினைன்’ என்கிற பொருள்
சின்கோனா மரங்களில் இருப்பது 17-ஆம் நூற்றாண்டில்
தெரியவந்தது; அதிலிருந்து உருவாக்கப்பட்டதுதான்
குளோரோகுயின்.

இரண்டாம் உலகப் போரின்போது ஆங்காங்கே காணப்பட்ட
மலேரியா நோய்த்தொற்றை எதிா்கொள்ள
குளோரோகுயினிலிருந்து உருவாக்கப்பட்டதுதான்
ஹைட்ராக்சிகுளோரோகுயின். இப்போதுவரை மலேரியாவுக்கு
இந்த மருந்துதான் தரப்படுகிறது.

சா்வதேச அளவில் 75% ஹைட்ராக்சிகுளோரோகுயின்
இந்தியாவில்தான் தயாரிக்கப்படுகிறது. ஏறத்தாழ 40 டன்
அளவில் ஹைட்ராக்சிகுளோரோகுயின் மருந்தின் மூலக்கூறை
இந்தியா தயாரித்து வருகிறது.

இதிலிருந்து 20 மில்லி கிராம் அளவு கொண்ட 20 கோடி
மாத்திரைகளைத் தயாரிக்க முடியும். இதற்கு மேலும் இந்த
மருந்தைத் தயாரிக்கும் திறன் இந்தியாவுக்கு இருக்கிறது.
-
-------------------------
தினமணி (தலையங்க கட்டுரையிலிருந்து)