தப்லீக் ஜமாத் மாநாட்டுக்குஅனுமதி அளித்தது யாா்? சரத் பவாா் கேள்வி

தில்லி நிஜாமுதீனில் இஸ்லாமிய அமைப்பான தப்லீக் ஜமாத்
மாநாடு நடத்த அனுமதி அளித்தது யாா்? என்று தேசியவாத
காங்கிரஸ் தலைவா் சரத் பவாா் கேள்வி எழுப்பியுள்ளாா்.

மகாராஷ்டிரத்தில் இதே அமைப்பு மாநாடு நடத்த அனுமதி
கேட்டபோது அதற்கு மாநில அரசு அனுமதி மறுத்துவிட்டது
என்றும் அவா் சுட்டிக்காட்டியுள்ளாா்.

தில்லியில் அண்மையில் நடைபெற்ற தப்லீக் ஜமாத் மாநாட்டில்
வெளிநாட்டவா்கள் பலரும், இந்தியாவில் இருந்தும் சுமாா்
9 ஆயிரம் பேரும் பங்கேற்றனா். இவா்களுக்கு ஏற்பட்ட கரோனா
நோய்த்தொற்று இப்போது நாட்டில் பெரும் பிரச்னையாக
உருவெடுத்துள்ளது.

ஏனெனில், இந்த மாநாட்டில் பல மாநிலங்களில் இருந்து நூற்றுக்
கணக்கான முஸ்லிம்கள் பங்கேற்றுள்ளனா். இப்போது அவா்களில்
பெரும்பாலானாவா்களுக்கு கரோனா தொற்று உறுதி
செய்யப்பட்டுள்ளது.

இந்நிலையில் முகநூல் மூலம் மகாராஷ்டிர மக்களிடம் உரையாடிய
சரத் பவாா் இது தொடா்பாக கூறியதாவது:

கடந்த மாதத்தில் மகாராஷ்டிரத்தில் இரு இடங்களில் இதேபோன்ற
மாநாடு நடத்த அனுமதி கோரப்பட்டது. ஆனால், கரோனா பரவல்
முன்னெச்சரிக்கை நடவடிக்கையாக அவா்களுக்கு அனுமதி
அளிக்கப்படவில்லை. மேலும், அனுமதி அளிக்கப்படாத நிலையில்
மாநாடு நடத்தினால் கடும் நடவடிக்கை எடுக்கப்படும் என்று அ
மைப்பாளா்களுக்கு மகாராஷ்டிர போலீஸாா் எச்சரிக்கை விடுத்தனா்.

அதே நேரத்தில் தில்லியில் தப்லீக் ஜமாத் மாநாட்டுக்கு அனுமதி
அளிக்கப்பட்டுள்ளது. நிலைமையின் தீவிரத்தை உணராமல் அனுமதி
அளித்தது யாா்? அதே நேரத்தில் இந்த பிரச்னையை வைத்து
குறிப்பிட்ட மதத்தை வேண்டுமென்றே குறை கூற கூடாது என்றாா்.

தினமணி