இந்தியாவின் முதல் கொரோனா வைரஸ் மருத்துவமனை துவக்கம்

**ayyasamy ram** · **ayyasamy ram** Mon 6 Apr 2020 - 23:45

புவனேஸ்வர்:
நாட்டின் முதலாவதாக கொரோனா வைரஸ் மருத்துவமனை
ஓடிசா மாநிலத்தில் துவக்கப்பட்டுள்ளது.

உலகம் முழுவதும் அச்சுறுத்தி கொண்டிருக்கும் கொரோனா
வைரஸ் இந்தியாவையும் பாதித்துள்ளது.நாடு முழுவதும்
இந்நோயால் சுமார் 4 ஆயிரத்திற்கும் மேற்பட்டோர் பாதிக்கப்பட்டுள்ளனர்.
மேலும் 100க்கும் மேற்பட்டோர் பலியாயினர். ஒடிசா மாநில மக்களும்
இந்த வைரஸ் தொற்றால் பாதிக்கப்ட்டுள்ளனர்.

இதனிடையே ஒடிசா மாநிலம் புவனேஸ்வரில் உள்ள தனியார்
மருத்துவமனையான கலிங்கா இன்ஸ்டிடியூட் ஆப் மெடிக்கல் சயின்ஸ்
மருத்துவமனையில் நாட்டிலேயே முதலாவது கொரோ வைரஸ்
மருத்துவமனை துவக்கப்பட்டுள்ளது.

இது குறித்து மருத்துவமனை நிர்வாகம் கூறியதாவது:புதிய கோவிட் -19
மருத்துவமனைக்கு ஒரு பிரத்யேக மருத்துவர்கள், துணை மருத்துவர்கள்,
செவிலியர்கள் மற்றும் வீட்டு பராமரிப்பு ஊழியர்கள் என மொத்தம்
683 பேர் உள்ளனர்,

அவர்கள் ஷிப்டு முறைகளில் பணிபுரிவர். தற்போது வைரஸ் தொற்று
பாதிக்கப்பட்ட 14 பேர் சிகிச்சைக்காக அனுமதிக்கப்பட்டுள்ளனர்.

மேலும் நாங்கள் ஏற்கனவே ஒரு சோதனை மையமாக அங்கீகரிக்க
அனுமதிக்காக விண்ணப்பித்துள்ளோம். எதிர்பார்ப்பில், சோதனைக்கு
தேவையான உபகரணங்களுக்கான ஆர்டர்களை வழங்கும் பணியில்
ஈடுபட்டுள்ளோம் ”, என மருத்துவமனை நிர்வாகம் தெரிவித்துள்ளது.

மாநில முதல்வர் நவீன் பட்நாயக் 1000 படுக்கைகளுடன் கூடிய
மருத்துவமனை அமைக்க வேண்டும் என கூறிய ஒரு வாரத்திற்குள்
கலிங்கா மருத்துவமனை கோவிட் மருத்துவமனையை உருவாக்கி
உள்ளது குறிப்பிடத்தக்கது.

தினமலர்

இந்தியாவின் முதல் கொரோனா வைரஸ் மருத்துவமனை துவக்கம்

இந்தியாவின் முதல் கொரோனா வைரஸ் மருத்துவமனை துவக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக