உலகிலேயே உயரமான கட்டிடமாக `புர்ஜ் துபாய்`

" alt="" />
அதிஉயரமான கட்டிடமான, 'புர்ஜ் பாய்' நேற்று திறக்கப்பட்டது. இதன் உயரம் 2,700 அடிக்கு மேல். தற்போது உலகின் உயரமான கட்டிடமாகக் கருதப்படுவது தைவானில் உள்ள 'தைப்பே 101'. தைப்பே நகரின் பொருளாதார மையக் கழகத்திற்கு சொந்தமான இந்த கட்டிடத்தில் 101 மாடிகள் உள்ளன. இதன் உயரம் 1,671 அடியாகும். இதைவிட ஆயிரம் அடியாவது அதிகமாக உருவாக்க வேண்டும் என்ற திட்டத்துடன் 'புர்ஜ் டுபாய்' அமைக்கப்பட்டது.உலகின் மிகமிக உயரமான கட்டிடம் என்பது மட்டுமல்ல இந்த பூமியில் மனிதர்களால் உருவாக்கப்பட்ட வடிவமைப்புகளிலும் உச்சத்தில் இருப்பது 'புர்ஜ் டுபாய்' தான். டிவி சிக்னல்களுக்காக அமெரிக்காவின் வடக்கு டகோடாவில் அமைக்கப்பட்ட 'கேவிஎல்வி- டிவி' டவர் 2,063 அடி உயரமானது.தற்போது இந்த உயரத்தையும் 'புர்ஜ் டுபாய்' மிஞ்சியுள்ளது. இன்று 59 பில்லியனுக்கு மேல் கடன் நெருக்கடியில் சிக்கித் தவிக்கும் 'டுபாய் வேர்ல்டி'ன் கிளை நிறுவனமான எம்மார் ப்ரொப்பர்டீஸ் இதை உருவாக்கியமை குறிப்பிடத்தக்கது.பொருளாதார நிலவரம் மோசமான நிலையில் இருந்தாலும், கட்டிட திறப்பு விழா திட்டமிட்டபடி நேற்று திங்கட்கிழமை கோலாகல வாணவேடிக்கையுடன் நடைபெற்றது. ஒளி, ஒலி, நீர் மற்றும் பட்டாசுகளின் மூலம் வர்ணஜாலங்கள் அங்கு இடம்பெற்றன.மொத்தம் 169 மாடிகள் கொண்ட இந்தக் கட்டிடத்தின் உச்சி மாடியில் 10 டிகிரி செல்ஷியஸ் வரை வெப்பம் குறைந்து குளிர் அதிகரிக்கும்.மேலும், இதன் 76ஆவது மாடியில் உலகிலேயே உயரமான நீச்சல் குளம் ஒன்றும் அமைக்கப்பட்டுள்ளது. அதோடு 158ஆவது மாடியில் ஒரு மிக உயர்ந்த மசூதியும் உள்ளது. 900 ஸ்டுடியோக்கள், நூற்றுக்கணக்கான அப்பாட்மெண்டுகள் மற்றும் இத்தாலிய ஸ்டைலில் வடிவமைக்கப்பட்ட ஹோட்டல்களும் உள்ளன. பல்வேறு சிறப்புகள் மற்றும் சாதனைகளை உள்ளடக்கிய இந்தக் கட்டிடத்தைக் கட்டி எழுப்புவதில் மனித உரிமை மீறல்கள் நடந்ததாக குற்றச்சாட்டுகளும் உள்ளன.

ஏற்கனவே பதிவில் உள்ளது நண்பரே.