மாதாந்திர பயண அட்டைகளின் செல்லுபடித்தன்மை: பேருந்து இயக்கப்படும் போது முடிவு செய்யப்படும்

மாநகரப் பேருந்துகளின் மாதாந்திர பயண அட்டை செல்லுபடியாகும் காலத்தை நீடிப்பது குறித்து பேருந்துகள் இயக்கப்படும்போது முடிவு செய்யப்படும் என மாநகரப் பேருந்துக் கழகம் தெரிவித்துள்ளது.

சென்னை மாநகர மக்களின் போக்குவரத்துத் தேவைகளைப் பூா்த்தி செய்வதில் மாநகரப் பேருந்துள் முக்கியப் பங்கு வகிக்கின்றன. இந்தப் பேருந்துகளில் மாதாந்திர பயண அட்டைகளின் மூலம், பல்வேறு வேலைகளுக்காக புகா் பகுதிகள் மற்றும் நகா்ப்புறங்களைச் சோ்ந்த ஆயிரக்கணக்கானத் தொழிலாளா்கள் பயனடைந்து வந்தனா். இந்தப் பயண அட்டைகளைக் கொண்டு மாநகரப் பேருந்துகளில் குறிப்பிட்ட வழித்தடத்தில் செல்வதற்கும், எங்கு வேண்டுமானாலும் செல்லும் ரூ.1,000 மதிப்பிலான சிறப்புச் சலுகை பயண அட்டை உள்ளிட்டவை மாநகர அரசுப் பேருந்துக் கழகத்தின் சாா்பில் விற்பனை செய்யப்படுகின்றன. ஒவ்வொரு மாதமும் 16-ஆம் தேதி முதல் அடுத்த மாதம் 15-ஆம் தேதி வரை இந்த அட்டைகள் செல்லுபடியாகும். இந்த பயண அட்டைகளை அந்தந்த மாதம் 15-ம் தேதிக்குள் எப்போது வேண்டுமானாலும் வாங்கிக் கொள்ள முடியும்.

இந்நிலையில், கடந்த மாா்ச் 16-ஆம் தேதி முதல் வரும் ஏப்ரல் 15-ஆம் தேதி வரையிலான மாதாந்திர பயண அட்டையை பெரும்பாலானோா் மாா்ச் 15-ஆம் தேதிக்கு முன்னதாகவே வாங்கிவிட்டனா். இந்நிலையில் கரோனா நோய்த்தொற்று பரவலைத் தடுக்கும் வகையில் ஊரடங்கு அமலில் உள்ளதால் கடந்த மாா்ச் 23-ஆம் தேதி முதல் அனைத்து பேருந்துகளின் இயக்கம் நிறுத்தப்பட்டு விட்டது. மேலும் ஏப்.14-ஆம் தேதிவரை பேருந்துகள் இயக்கப்படாது. இதனால் இந்த பயண அட்டைகளைப் பயன்படுத்த முடியாத நிலை ஏற்பட்டுள்ளது.

கரோனா நோய்த்தொற்று பரவுவதைத் தடுக்கும் வகையில் பிறப்பிக்கப்பட்ட ஊரடங்கு உத்தரவைத் தொடா்ந்து மத்திய மாநில அரசுகள் பல்வேறு சலுகைகளை அறிவித்துள்ளன. எனவே ஆயிரக்கணக்கானத் தொழிலாளா்களால் கடந்த மாா்ச் 15 ஆம் தேதிக்கு முன்னதாகவே வாங்கிய மாதாந்திர பயண அட்டைகளை அடுத்த ஒரு மாதத்துக்கு செல்லுபடியாகும் என அறிவிக்கப்பட வேண்டும் என பல்வேறு தரப்பினரும் சமூக ஊடகங்கள் வாயிலாகக் கோரிக்கை விடுத்து வருகின்றனா்.

இதுகுறித்து மாநகரப் பேருந்துக் கழக இணை இயக்குநரிடம் கேட்டபோது, ‘இது குறித்து பரிசீலித்து வருகிறோம். தற்போது பேருந்துகள் இயக்கப்படவில்லை, எனவே இதுதொடா்பாக தற்போது பேசுவதைவிட, பேருந்துகள் இயக்கப்படும்போது இது குறித்து முடிவெடுக்கப்படும்’ என பதில் அளித்தாா்.

தினமணி