கல்யாணி ராகம் என்றாலே எனக்கு பிடிக்காது...

by **ayyasamy ram** Sat Mar 28, 2020 7:47 pm

-
இல்லற இன்பம்

பாகவதர் :
கல்யாணி ராகம் என்றாலே எனக்கு பிடிக்காது...

சிஷ்யன் : ஏன் ?

பாகவதர் : என் மனைவி பெயர் கல்யாணி...
-
-----------------------------------

பகுபதம் !
-----------
வெள்ளைச் சாமி ஒரு நாள் பொதுக் கூட்டத்திற்கு
போயிருந்தார். அங்கே ஒருவர் பேசிக்கொண்டிருந்தார்.
அவர் சொன்னதாவது ;

"ஒரு பச்சை யானை வெள்ளை முட்டை போட்டது.
அதிலிருந்து ஒரு குருவிக் குஞ்சு வெளிவந்து,
ஒரு சிங்கத்தை கொன்று விட்டது. அந்தச் சிங்கம் ஒரு
யானையின் உயிரை வாங்கிக் கொண்டு மீண்டும்
வந்துவிட்டது...."

அவர் பேச்சை கேட்ட வெள்ளைச்சாமி பக்கத்தில்
இருந்த நண்பரிடம் " இவர் யார் ?" என்று கேட்டார்.

இவர் தான் பெருவாரியான வோட்டுகளில் ஜெயித்த
எம்.எல்.ஏ " என்றார் நண்பர்.
-
--------------------------------------

by **ayyasamy ram** Sat Mar 28, 2020 7:47 pm

-
கணக்கில் வராத பணம் !

ஊரெங்கும் கருப்புப் பணம், கருப்புப் பணம் என்று
பேசிக் கொண்டார்கள்.
வெள்ளைச்சாமிக்கு அது என்னவென்று புரியவில்லை.

அவரி கையில் நூறு ரூபாய்க்கு ஒரு ரூபாய்க் கட்டு
ஒன்று இருந்தது.

அதிகாரி ஒருவரைப் பார்த்து
" ஐயா..கருப்பு பணம் என்றால் என்ன? என்று கேட்டார்.

கணக்கில் வாராத பணம் ...என்று சொன்னார் அதிகாரி.

வெள்ளைச் சாமி தன்னிடம் இருந்த ஒரு ரூபாய்க் கட்டை
எண்ணிப் பார்த்தார். மொத்தம் தொண்ணூற்றொன்பது
ரூபாய்தான் இருந்தது.

ஓஹோ...ஒரு ரூபாய் கருப்புப் பணம் போலிருக்கிறது..!
என்று முணுமுணுத்தார் வெள்ளைச்சாமி.
-
---------------------------------------

by **ayyasamy ram** Sat Mar 28, 2020 7:47 pm

வாக்குச்சீட்டின் மகிமை !

ஒரு அரசியல் கூட்டத்திற்குப் போய் அமைதியாக
உட்கார்ந்தார், வெள்ளைச்சாமி. பேசத்தொடங்கிய ஒருவர்
" தாய்மார்களே...! " என்று ஆரம்பித்தார்.

"நிறுத்தையா...என்று கத்தினார் வெள்ளைச்சாமி.

உனக்குக் கொஞ்சமாவது மானம்..வெட்கம்...இருக்குதா ?

இவ்வளவு பெண்கள் இருக்கும் இடத்தில் அசிங்கமாகப்
பேசுகிறாயே..!

"தாயே.." என்று கூப்பிடுங்கள் என்றார்.
-
----------------------------------------

by **ayyasamy ram** Sat Mar 28, 2020 7:48 pm

பெருங்கதை !

திடீரென்று வெள்ளைச் சாமிக்கு சினிமாவுக்கு கதை
வசனம் எழுத வேண்டும் என்ற ஆசை வந்தது.

"பெரிய நடிகர்கள் நடிக்கின்ற படத்துக்குக் கதை
எழுதினால் தான் முன்னுக்கு வரலாம் ! என்று யாரோ
சொன்னார்கள்.

உடனே வெள்ளைச் சாமி பேனாவை எடுத்து எழுத
ஆரம்பித்தார்.

"கதாநாயகன் ராமு கல்லூரியில் படித்துக் கொண்டிருந்தான்.
கதாநாயகி கமலா ஒரு ஆபீஸில் மேனேஜராக வேலை
பார்த்துக் கொண்டிருந்தாள். இருவரும் ஒருவரை ஒருவர்
உயிருக்குயிராகக் காதலித்தார்கள்.

ராமுவுக்கு வயது அறுபத்தொன்பது. கமலாவுக்கு வயது
பதினாறு.."

- வெள்ளைச் சாமியின் கதை உடனே ஏற்றுக் கொள்ளப்பட்டது.
-
------------------------------------------
-கண்ணதாசன் -
தோட்டத்துப்பூக்கள்-நூலிலிருந்து

by Sponsored content

கல்யாணி ராகம் என்றாலே எனக்கு பிடிக்காது...

கல்யாணி ராகம் என்றாலே எனக்கு பிடிக்காது...

Re: கல்யாணி ராகம் என்றாலே எனக்கு பிடிக்காது...

Re: கல்யாணி ராகம் என்றாலே எனக்கு பிடிக்காது...

Re: கல்யாணி ராகம் என்றாலே எனக்கு பிடிக்காது...

Re: கல்யாணி ராகம் என்றாலே எனக்கு பிடிக்காது...