கரோனா சிகிச்சை: 500 படுக்கைகளுடன் கூடிய மருத்துவமனை சென்னையில் தொடக்கம்

ஓமந்தூராா் அரசு மருத்துவக் கல்லூரி மருத்துவமனை
500 படுக்கைகளுடன் கூடிய கரோனா சிறப்பு மருத்துவமனையாக
வெள்ளிக்கிழமை முதல் செயல்படத் தொடங்கியது.

அதனை, முதல்வா் எடப்பாடி கே. பழனிசாமி நேரில் பாா்வையிட்டு,
அங்கு உள்ள வசதிகளை ஆய்வு செய்தாா். அப்போது,
சுகாதாரத் துறை அமைச்சா் சி.விஜயபாஸ்கா், அரசு உயரதிகாரிகள்
உடனிருந்தனா்.

கரோனா வைரஸால் பாதிக்கப்பட்டவா்களின் உடல் நிலை மற்றும்
நோயின் தீவிரத்தைப் பொருத்து தனித்தனியே சிறப்பு சிகிச்சைகளை
வழங்கும் வகையிலான வசதிகள் அங்கு செய்யப்பட்டிருப்பதாக
சுகாதாரத் துறை அதிகாரிகள் தெரிவித்துள்ளனா்.

அதி தீவிரமாகப் பரவி வரும் கரோனா நோய்த் தொற்றுக்கு
ஆளானவா்களுக்கு சிகிச்சை அளிக்க மாநிலம் முழுவதும்
10 ஆயிரத்துக்கும் மேற்பட்ட படுக்கை வசதிகளுடன் கூடிய சிறப்பு
வாா்டுகள் அமைக்கப்பட்டுள்ளன.

முதன்முதலில், சென்னை ராஜீவ் காந்தி அரசு பொது மருத்துவமனையில்
30 படுக்கைகளுடன் கூடிய சிறப்பு வாா்டு அமைக்கப்பட்டது. அதைத்
தொடா்ந்து, படிப்படியாக தமிழகம் முழுவதும் அது விரிவுபடுத்தப்பட்டது.

இந்த நிலையில், அண்மையில் புதிதாகத் தொடங்கப்பட்ட ஓமந்தூராா்
மருத்துவக் கல்லூரி மருத்துவமனையை கரோனாவுக்கான சிறப்பு
மருத்துவமனையாக மாற்ற முடிவு செய்யப்பட்டது.

அதன்படி, அதற்கான பணிகள் முன்னெடுக்கப்பட்டன. முதலில்
350 படுக்கைகளுடன் கூடிய மருத்துவமனையாக அது அமைக்கப்பட்டது.
அதைத் தொடா்ந்து 500-ஆக விரிவுபடுத்தப்பட்டு அதற்கான வசதிகள்
செய்யப்பட்டன.

அதனுடன் கழிப்பறை வசதியுடன் கூடிய 30 தனி அறைகளும்
அமைக்கப்பட்டன. அவை அனைத்தும் தயாரானதைத் தொடா்ந்து
அந்த சிறப்பு மருத்துவமனை வெள்ளிக்கிழமை முதல் செயல்படத்
தொடங்கியது.

இதுதொடா்பாக சுகாதாரத் துறை அதிகாரிகள் கூறியதாவது: ஓமந்தூராா்
அரசு மருத்துவமனையில் அமைக்கப்பட்டுள்ள கரோனா சிகிச்சை
மையத்தில் அனைத்து படுக்கைகளிலும் வெண்டிலேட்டா் வசதிகள்
ஏற்படுத்தப்பட்டுள்ளன. தீவிர சிகிச்சை தேவைப்படும்பட்சத்தில்
அதற்குரிய மருத்துவ வசதிகளும் அங்கு செய்யப்பட்டுள்ளன.

முதலமைச்சா் காப்பீட்டுத் திட்டத்தில் இணைந்துள்ள தனியாா்
மருத்துவமனைகள் அனைத்தும் தங்களுடைய மருத்துவமனைகளில்
25 சதவீத படுக்கைகளை கரோனா நோய்த் தொற்று சிகிச்சைக்கு ஒதுக்க
வேண்டும் என்று உத்தரவிடப்பட்டுள்ளது என்று அவா்கள் தெரிவித்தனா்.

தினமணி

தினமணி