6,400 உயிர்களைக் காத்து கொரோனாவை எதிர்த்து இறுதிவரை போராட்டம்... ஒரு மரணத்தால் கலங்கிய இரான்!

**ayyasamy ram** · **ayyasamy ram** Sun Mar 22, 2020 10:02 pm

-

மருத்துவத்துறையில் பின்தங்கியுள்ள இரான் நாட்டில்,
கொரோனா பாதிப்புக்குள்ளான மக்களைக் காப்பாற்ற
இரவு பகலாக மருத்துவர்கள் போராடிவருகின்றனர்.

மக்களைக் காப்பாற்ற மருத்துவர்கள் தங்கள் உயிரையும்
பணயம் வைத்துள்ளனர். அந்த வகையில், இரானில்
6,400 கொரோனா நோயாளிகளைக் காப்பாற்றிய மருத்துவர்
ஷிரீன் ரூகானி ராத் கொரோனாவுக்கு பலியானது, அந்த
நாட்டு மக்களைக் கலங்கடித்துள்ளது.

பக்ஷாத் நகரிலுள்ள ஷோகாதா மருத்துவமனையில் ஷிரீன்
பணியாற்றி வந்தார். இரானில் கொரோனா தாக்குதலால்
கொத்துக் கொத்தாக மக்கள் இந்த மருத்துவமனையில்
அனுமதிக்கப்பட்டுவந்தனர்.

இந்த மக்களுக்கு சிகிச்சையளித்த ஷிரீனையும் கொரோனா
தாக்கியது. எனினும், சோர்வடையாத ஷிரீன், தொடர்ந்து
நோயாளிகளுக்கு சிகிச்சையளித்துவந்தார். அவ்வப்போது,
தனக்கும் சிகிச்சை எடுத்துக்கொண்டு, நோயாளிகளையும்
அவர் கவனித்துக்கொண்டார்.

தனக்கு சிகிச்சை எடுப்பதற்காக, தன் கையில் intravenous-
ஐயும் அவர் பொருத்தியிருந்தார்.

தன்னலம் பார்க்காமல் அவ்வப்போது ட்ரிப்ஸ் ஏற்றிக்கொண்டே
ஷிரீன் பணியாற்றினார். இவரால், இரானில் 6, 400 கொரோனா
நோயாளிகள் காப்பாற்றப்பட்டனர். இறுதியின் தன் உயிரையும்
கொரோனாவுக்குப் பறிகொடுத்தார்.

தற்போது, இவரின் புகைப்படம் இணையத்தில் வைரலாகி
வருகிறது.

டாக்டர்களை 'கடவுள்' என்று சொல்வார்கள்.
அந்த வார்த்தைக்கான அர்த்தத்தை உலகுக்கு உணர்த்திச்
சென்றுள்ளார் ஷிரீன்.
-
---------------------------
எம்.குமரேசன்
-விகடன்

6,400 உயிர்களைக் காத்து கொரோனாவை எதிர்த்து இறுதிவரை போராட்டம்... ஒரு மரணத்தால் கலங்கிய இரான்!

6,400 உயிர்களைக் காத்து கொரோனாவை எதிர்த்து இறுதிவரை போராட்டம்... ஒரு மரணத்தால் கலங்கிய இரான்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக