கரோனா வைரஸால் பாதிக்கப் பட்டவர்கள் மட்டும் மருத்துவ முகமூடிகளை அணிந்து கொண்டால் போதும்

**ayyasamy ram** · **ayyasamy ram** Thu Mar 19, 2020 3:54 pm

அப்படீங்களா!

கரோனா வைரஸ் உலகம் முழுக்க அச்சத்தை ஏற்படுத்தி
இருக்கிறது. கரோனா வைரஸ் தொற்றால் பாதிக்கப்படாமல்
இருக்க, மருத்துவ முகமூடி அணிந்து கொள்ள வேண்டும்
என்று கூறப்படுகிறது.

இதனால் மருத்துவ முகமூடிகளுக்கான தேவை
அதிகரித்துவிட்டது.

முகநூலில் இந்த முகமூடி தொடர்பான விளம்பரங்களுக்கு
அந்நிறுவனம் தடை விதித்துள்ளது. ஏற்கெனவே அது
போன்ற விளம்பரங்கள் இருந்தால் அவற்றை நீக்கிவிடவும்
அது முடிவு செய்துள்ளது.

மருத்துவ முகமூடிகளை எல்லாரும் வாங்கி அணிந்து கொள்ள
நினைத்தால், பற்றாக்குறை ஏற்படும்; அதனால் மருத்துவப்
பணி செய்பவர்களுக்கு முகமூடி கிடைக்காத நிலை ஏற்படும்
என்பதால் முகநூல் இந்த முடிவை எடுத்து இருக்கிறது.

மேலும் கரோனா வைரஸ் தொற்றிவிடாமல் இருக்க என்ன
செய்ய வேண்டும் என்று கூறப்படும் பல தடுப்பு முறைகள்,
வைரஸ் தொற்றைக் குணப்படுத்துவதற்காகக் கூறப்படும்
மருத்துவமுறைகள் எல்லாம் முற்றிலும் நூற்றுக்கு நூறு
சரியானவை என்று கூற முடியாது என்று கூறுகிறது
அந்நிறுவனம்.

கரோனா வைரஸால் ஏற்பட்டுள்ள அச்சத்தைப் பயன்படுத்தி
லாபமடைய சில நிறுவனங்ள் நினைப்பதாக "தி கார்டியன்'
இதழ் செய்தி வெளியிட்டுள்ளது.

ஏற்கெனவே யாரெல்லாம் கரோனா வைரஸால் பாதிக்கப்
பட்டிருக்கிறார்களோ அவர்கள் மட்டும் இந்த மருத்துவ
முகமூடிகளை அணிந்து கொண்டால் போதும் என்பதால்,
இந்த முகமூடி விளம்பரங்களை சமூக ஊடகங்களிலிருந்து
நீக்குவது மிகச் சரியானது என்பது முகநூல் நிறுவனத்தின்
கருத்து.

முகநூல் மட்டுமல்ல, இன்ஸ்டாகிராமிலும் மருத்துவமுகமூடி
விளம்பரங்கள் தடை செய்யப்பட்டுள்ளன.
-
-----------------------------

என்.ஜே., சென்னை-58.
தினமணி கதிர்

கரோனா வைரஸால் பாதிக்கப் பட்டவர்கள் மட்டும் மருத்துவ முகமூடிகளை அணிந்து கொண்டால் போதும்

கரோனா வைரஸால் பாதிக்கப் பட்டவர்கள் மட்டும் மருத்துவ முகமூடிகளை அணிந்து கொண்டால் போதும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக