* மயில்களில் வெள்ளை மயிலும் உண்டு.

First topic message reminder :

மயிலே... மயிலே...

* மயில்களுக்கு கொண்டை முளைப்பது என்பது மிகவும்
துன்பமான நிகழ்ச்சி.
கொண்டை முளைக்கும்போது வலி கடுமையாக இருக்கும்.
வலி தாங்க முடியாமல் சில சமயம் மயில்கள் இறந்துவிடுவதும்
உண்டு.

* மயில்கள் சுமார் 35 ஆண்டுகள் உயிர் வாழும்.

* புலி போன்ற வேட்டை விலங்குகளைக் காணும்போது, மயில்கள்
உரத்த குரல் எழுப்பி மான்கள் போன்ற மற்ற விலங்குகளை
எச்சரிக்கின்றன.

* "காங்கோ மயில்' என்று ஒரு மயில் இனமும் இருக்கிறது.
"டாக்டர் ஜேம்ஸ் சாப்பின்' என்பவர் காங்கோ நாட்டில் இந்த மயிலைக்
கண்டுபிடித்தார். இது இந்திய மயில் இனத்துடன் தொடர்பு கொண்டது
என்கிறார்கள் ஆராய்ச்சியாளர்கள்.
காங்கோ மயில்களுக்கு நீளமான தோகை கிடையாது. இவை ஆணும்
பெண்ணும் ஜோடி சேர்ந்துவிட்டால் வாழ்நாள் முழுவதும் பிரிவது இல்லை.

காங்கோ மயில் குஞ்சுகள், முட்டையிலிருந்து வெளிவந்து 5 நாள்களில்
பறக்கத் தொடங்கி விடுகின்றன.
-
* முட்டையிலிருந்து வெளிவந்த மயில் குஞ்சு ஆணா, பெண்ணா என்பது
இரண்டு ஆண்டுகள் வரை தெரியாது. மூன்றாவது ஆண்டில்தான்
ஆண் மயிலுக்கு அழகான தோகை வளர ஆரம்பிக்கும்.
நன்கு வளர்ந்த ஆண் மயில் அதன் தோகையையும் சேர்த்து சுமார்
2.25 மீட்டர் நீளம் இருக்கும். பெண் மயிலுக்குத் தோகை கிடையாது.
நன்கு வளர்ந்த பெண் மயில் சுமார் ஒரு மீட்டர் நீளம் இருக்கும்.
-
* ஆண் மயில், மே மாதக் கடைசியில் இறகுகளை உதிர்க்கும்.
டிசம்பர் மாதத்திற்குள் இறகுகள் மறுபடியும் வளர்ந்துவிடும்.
பழுதாகிப்போன, கிழிந்துபோன இறகுகளைப் புதுப்பிக்கவே
இப்படி உதிர்க்கின்றன.
-
* மயில்களில் வெள்ளை மயிலும் உண்டு.
இதன் உடலில் வெள்ளை நிறத்தைத் தவிர, நீலம், பச்சை, மஞ்சள்.
சிவப்பு, கறுப்பு என எந்த நிறமும் கிடையாது. இந்த வகை வெள்ளை
மயில்கள் பர்மாவில் அதிகம்.
-
* கிரீஸ் மன்னர் அலெக்சாண்டர் கி.மு.327-இல் இந்தியாவின் மீது
படையெடுத்து வந்தபோது, மயிலைப் பார்த்தார். அதன் அழகைக் கண்டு
மகிழ்ந்து, கி.மு.325-இல் தான் திரும்பிப் போகும்போது, மயில்களையும்
கொண்டு போனார். அவரால்தான் ஐரோப்பிய நாடுகளில் மயில்கள்
பரவின.
-
---------------------------------------------
-கா.முருகேஸ்வரி, கோவை.
தினமணி