பெண் கேட்ட வரம் -குட்டிக் கதை --

Guest · Guest Fri Mar 06, 2020 4:26 pm

ஒரு பெண் – ஏதோ ஒரு வகையில் ஒரு தேவதைக்கு
உதவி செய்து, அது சாப விமோசனம் பெற உதவி புரிகிறாள்.
சாபவிமோசனம் பெற்ற அந்த தேவதை “எனக்கு உதவியதற்காக,
உனக்கு 3 வரங்கள் தர விரும்புகிறேன். வேண்டியதைக் கேள்”
என்கிறது..

கூடவே -” ஒரே ஒரு நிபந்தனை… உனக்கு நான் கொடுக்கும்
வரத்தின் பலன், உனக்கு கிடைப்பதைப்போல் 10 மடங்கு
அதிகமாக உன் கணவருக்கும் கிடைக்கும்” என்றும் சொல்கிறது.

“அதனாலென்ன..பரவாயில்லை” என்கிறாள் அந்தப் பெண்.

பிறகு அந்தப்பெண், முதல் வரத்தின் மூலம் நான் இந்த
உலகத்திலேயே மிகவும் அழகிய பெண் ஆக வேண்டும் என்று
கேட்கிறாள்.

தேவதை அவளை எச்சரிக்கிறது… “உன்னை விட உன்
கணவன் மிக அழகானவனாகி விடுவான்”

“அதனாலென்ன…. அவருக்கு இணையான அழகு படைத்தவளாக
நான் மட்டும் தானே இருப்பேன்” என்கிறாள்.

“ததாஸ்து” (அப்படியே ஆகட்டும்) – என்கிறது தேவதை.

அடுத்து, 2-வது வரமாக “உலகிலேயே பெரிய பணக்காரியாக
நான் ஆக வேண்டும்” என்று அந்தப்பெண் கேட்கிறாள்.

“உன் கணவன் உன்னைவிட 10 மடங்கு பணக்காரனாகி
விடுவான்” என்கிறது தேவதை.

“அதனாலென்ன.. என் கணவன் தானே பணக்காரன்
ஆகப்போகிறான்- நல்லது தான்… ” என்று அந்தப்பெண்
ஏற்றுக்கொள்ளவே… அதற்கும்”ததாஸ்து” சொன்னது தேவதை.

இப்போது 3-வதும், கடைசியுமான வரம்…
தேவதை சொல்கிறது…” இது கடைசி வரம்…உனக்கு
வேண்டியதை நன்கு யோசித்துக் கேள்”.

அந்தப்பெண்ணும், நன்கு யோசித்து….
தன் கடைசி வரத்தை கேட்கிறாள் –

அவள் என்ன வரம் கேட்டிருப்பாள்? எனக்குத் தெரியாது.அவரவர் விருப்பத்துக்கு ஏற்ப வரத்தை கேட்க வையுங்கள்.

(மகளிர் தினம் வருகிறது. மகளிரோடு வில்லங்கம் வேண்டாமே என்ற முன் ஜாக்கிரதை தான்.)

**ayyasamy ram** · **ayyasamy ram** Fri Mar 06, 2020 4:39 pm

பெண் கேட்ட வரம் -குட்டிக் கதை -- Flower-1

-

புதிருக்கு விடை சொல்லும் முன்பாக
ஒருவரின் கருத்து குறித்து படித்து விடுங்களேன்...!!
---------------------------
பொதுவாக, முன்பெல்லாம்,
பெண்களைப்பற்றிய எனது அபிப்பிராயம் –

பெரும்பாலான பெண்கள் அப்பாவிகள்…வெகுளிகள்…
இரக்க சுபாவம் கொண்டவர்கள்…
பயந்த சுபாவம் கொண்டவர்கள்….
வலிமை குறைந்தவர்கள்….
எளிதில் ஏமாந்து போகக்கூடியவர்கள்…

– என்பதாக இருந்தது. ( பெரும்பாலானவர்கள் என்று
சொல்லி இருப்பதை கவனிக்கவும்…! எல்லாரும் என்று
சொல்லவில்லை..!! )

நான் ரிடையர் ஆவதற்கு சில மாதங்கள் முன்னதாக
முதல் தடவையாக எனக்கு ஹார்ட் அட்டாக் வந்தது…

நான் அதிக காலம் இருக்க மாட்டேன் என்று
அப்போது தோன்றியது…!!!

நான் சாவைப்பற்றி கவலைப்படவில்லை.
ஆனால், உலகம் தெரியாத ஒரு பெண்ணை ( என்
மனைவியைத்தான் சொல்கிறேன்.. !!!) தனியே
விட்டு விட்டுச் செல்கிறோமே. அவள் என்ன பாடு
படப்போகிறாளோ என்பது மட்டுமே என் கவலையாக
இருந்தது… ( என் கவலை பணத்தைப்பற்றியது அல்ல.
அதற்குத் தேவையான ஏற்பாடுகளை நான் ஏற்கெனவே
செய்து விட்டேன்… )

————————————

Guest · Guest Fri Mar 06, 2020 5:39 pm

நன்றி காவிரிமைந்தன்.

அய்யாசாமி ராம் சார் ஊடாக ......

**ayyasamy ram** · **ayyasamy ram** Fri Mar 06, 2020 5:41 pm

அவள் என்ன வரம் கேட்டிருப்பாள்?
-
ஈகரை வாசகர்களின் விடை எதிர்நோக்கலாம்...

Sponsored content · Sponsored content

பெண் கேட்ட வரம் -குட்டிக் கதை --

பெண் கேட்ட வரம் -குட்டிக் கதை --

Re: பெண் கேட்ட வரம் -குட்டிக் கதை --

Re: பெண் கேட்ட வரம் -குட்டிக் கதை --

Re: பெண் கேட்ட வரம் -குட்டிக் கதை --

Re: பெண் கேட்ட வரம் -குட்டிக் கதை --

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக