1918ல் பல லட்சம் பேரை காவு வாங்கிய 'ஸ்பானிஷ் ப்ளூ'

**ayyasamy ram** · **ayyasamy ram** Thu Mar 19, 2020 7:24 am

புதுடில்லி:
உலகையே அச்சுறுத்தி 8000 உயிர்களுக்கு மேல் பலி வாங்கிய
கொரோனா வைரசை கட்டுப்படுத்த உலக நாடுகள் போராடி
வருகின்றன.

இதேபோன்ற ஏற்பட்ட ஒரு கொடிய வைரஸ் தொற்று, 1918 ல் உலகம்
முழுவதும் 1.7 கோடி முதல் 5 கோடி பேர் வரை 'காவு' வாங்கியதாக
கூறப்படுகிறது

முதலாம் உலகப்போர் முடிவடைந்த 1918ம் ஆண்டில் உலகம் முழுவதும்
திடீரென பரவத்தொடங்கிய இந்த வைரஸ் 'ஸ்பானிஷ் ப்ளூ'
என்றழைக்கப்பட்டது. உலகப்போரின் போது தணிக்கை செய்யப்படாத
ஸ்பெயின் பத்திரிகைகள், போரினால் பாதிக்கப்பட்ட ஐரோப்பா முழுவதும்
பரவிய இந்த நோயை பற்றிய விவரங்களை வெளியிட்டதால்
'ஸ்பானிஷ் ப்ளூ' என பெயரிடப்பட்டிருக்கலாம் எனவும் கூறப்படுகிறது.

ஆனாலும், இந்த வைரஸ் எங்கிருந்து, எப்போது பரவத்தொடங்கியது என
இப்போது வரை கண்டறியப்படவில்லை.

ஆங்கிலேயர்களின் ஆதிக்கத்தில் இருந்த இந்தியாவும் இந்த வைரசிற்கு க
டுமையாக பாதிக்கப்பட்டது. முதன்முறையாக பம்பாய் நகரில் பரவியது.
நாளடைவில் அதிவேகமாக பரவிய இந்த தொற்றால், இந்தியாவில் மட்டும்
1.8 கோடி மக்கள் (அப்போதைய மக்கள் தொகையில் 6 சதவீதம் பேர்)
பாதிக்கப்பட்டனர்.

இது முதலாம் உலகப்போரில் இறந்தவர்களின் எண்ணிக்கையை விட
அதிகமாகும். உலகப்போரில் பங்கேற்ற ராணுவ வீரர்கள் கப்பல் மூலம் பம்பாய்
வந்தடைந்த போது அவர்கள் மூலமாக தான் இந்தியாவில் பரவியதாக கருதப்படுகிறது.
--

**ayyasamy ram** · **ayyasamy ram** Thu Mar 19, 2020 7:25 am

1918ல் பல லட்சம் பேரை காவு வாங்கிய 'ஸ்பானிஷ் ப்ளூ' Gallerye_17060842_2504553

-
இந்த காய்ச்சலில் காந்தி மற்றும் அவரது ஆசிரமத்த்தில் இருந்தவர்களும்
பாதிக்கப்பட்டனர். அப்போது, 'வாழ்வின் மீதமிருந்த ஆர்வம் போய்விட்டது,'
என காந்தி அவரது நண்பரிடம் கூறினார்.

ஆனால், சில நாள் பாதிப்பிற்கு பின்னர் காந்தி குணமடைந்தார்.
செய்தித்தாள்களில், 'காய்ச்சல் வராமல் இருக்க, மக்கள் கூட்டமாக இருக்கும்
இடங்களுக்கு செல்ல வேண்டாம். விழாக்கள், பள்ளிகள், ரயில் நிலையங்கள்
செல்வதை தவிர்க்க வேண்டும்,' உள்ளிட்ட அறிவுறைகள் வெளியிடப்பட்டன.

'காய்ச்சல், கை, கால் எலும்புகளில் வலி, மூச்சுக்குழாய் வீக்கம், கண் வலி,'
போன்றவைகளும் இந்த காய்ச்சலுக்கான அறிகுறிகளாக கூறப்பட்டது.

1918ல் பல லட்சம் பேரை காவு வாங்கிய 'ஸ்பானிஷ் ப்ளூ' Gallerye_170618313_2504553

1918ல் பல லட்சம் பேரை காவு வாங்கிய 'ஸ்பானிஷ் ப்ளூ' Gallerye_170618313_2504553

**ayyasamy ram** · **ayyasamy ram** Thu Mar 19, 2020 7:26 am

பாதிப்பு நேரத்தில் அதிகாரிகள் எந்த நடவடிக்கைகளும் எடுக்கவில்லை
என செய்தித்தாள்கள் விமர்சித்தன. பின்னர், அரசு சாரா அமைப்புகள் மற்றும்
தொண்டு ஆற்றுபவர்கள் சேர்ந்து வைரஸ் தொற்றை தடுக்கும் நடவடிக்கையில்
இறங்கினர்.

அவர்கள் சார்பில் தற்காலிக மருத்துவமனைகள், மருந்துகள் விநியோகிக்க
சிறு மையங்கள், முகாம்கள் அமைத்து பல்வேறு வழிகளில் பாதிக்கப்பட்ட
மக்களுக்கு உதவினர். இதனால், ஸ்பானிஷ் ப்ளூ பாதிப்பில் இருந்து படிப்படியாக
உலகம் மீண்டது.

1918ல் பல லட்சம் பேரை காவு வாங்கிய 'ஸ்பானிஷ் ப்ளூ' Gallerye_170633501_2504553

1918ல் பல லட்சம் பேரை காவு வாங்கிய 'ஸ்பானிஷ் ப்ளூ' Gallerye_170633501_2504553

-

அப்போதைய காலக்கட்டத்தை ஒப்பிடும் போது தற்போது மருத்துவத்தில்
பல மடங்கு முன்னேறி இருந்தாலும், இதுவரை மருந்து கண்டறியப்படாத
கொரோனா வைரசிற்கு மக்கள் தங்களை தற்காத்து கொள்ள வேண்டியது
அவசியமாகும்.

வைரஸ் தொற்றை தடுக்க மத்திய, மாநில அரசுகள் எடுக்கும் முயற்சிக்கு மக்கள்
ஒத்துழைப்பதுடன், சுகாதாரத்துறை அறிவுறுத்தியபடி பாதுகாப்பு அம்சங்களுடன்
இருக்கும் பட்சத்தில் கொரோனா பாதிப்பில் இருந்து தப்பலாம்.

தினமலர்

Sponsored content · Sponsored content

1918ல் பல லட்சம் பேரை காவு வாங்கிய 'ஸ்பானிஷ் ப்ளூ'

1918ல் பல லட்சம் பேரை காவு வாங்கிய 'ஸ்பானிஷ் ப்ளூ'

Re: 1918ல் பல லட்சம் பேரை காவு வாங்கிய 'ஸ்பானிஷ் ப்ளூ'

Re: 1918ல் பல லட்சம் பேரை காவு வாங்கிய 'ஸ்பானிஷ் ப்ளூ'

Re: 1918ல் பல லட்சம் பேரை காவு வாங்கிய 'ஸ்பானிஷ் ப்ளூ'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக