பத்மினி பிக்சர்ஸ் B.R பந்துலு

-
26-07-1910 ஆண்டு பிறந்தவர் B.R பந்துலு. பள்ளி ஆசிரியராய் தன் வாழ்நாளைத் தொடங்கியவர் samsara nauke என்ற கன்னடப் படம் மூலம் நடிகரானார். எட்டு படங்கள் வரை நடித்தவர் 1957ல் தன் சொந்த நிறுவனமான பத்மினி பிக்சர்ஸ் ஆரம்பித்து, த்ங்க ரகசியம் மூலம் இயக்குநர் ஆனார்.பின் கிட்டத்தட்ட 50 படங்களை இயக்கியுள்ளார். தமிழ், கன்னடம், தெலுங்கு, ஹிந்தி ஆகிய மொழிகளில் படங்கள் தயாரித்து இயக்கியுள்ளார்.

இவர் நடித்த படங்களில் முக்கியமானவை நாம் இருவர், முதல் தேதி, ஸ்கூல் மாஸ்டர் (ஒரு பள்ளி ஆசிரியர் கதை)

இவர் இயக்கிய படங்கள்…

தங்கமலை ரகசியம், சபாஷ் மீனா, ஸ்கூல் மாஸ்டர், எங்கள் குடும்பம் பெரிசு, வீரபாண்டிய கட்டபொம்மன், குழந்தைகள் கண்ட குடியரசு,கப்பலோட்டிய தமிழன்,முரடன் முத்து, கர்ணன், ஆயிரத்தில் ஒருவன், எங்க பாப்பா, நாடோடி, ரகசிய போலீஸ்115, கிருஷ்ண தேவராயா(கன்னடம்), தேடி வந்த மாப்பிள்ளை, கடவுள் மாமா ஆகியவை ஆகும்.

வீர பாண்டிய கட்ட பொம்மன், கப்பலோட்டிய தமிழன், கர்ணன் ஆகியோர் எப்படியிருந்தனர் என்பதை சிவாஜி வடிவில் நாம் அனைவரையும் உணர வைத்தவர் இவர். சிவாஜி கணேசன் இந்த பாத்திரங்களில் வாழ்ந்திருப்பார்.

கெய்ரோவில் நடந்த உலகப்பட விழாவில் சிறந்த நடிகராக சிவாஜி கணேசன் அவர்களும், சிறந்த படமாக வீரபாண்டிய கட்டபொம்மனும் தேர்ந்தெடுக்கப்பட்டது. அப்படம் உலகமெங்கும் உள்ள மக்களின் ஏகோபித்த ஆதரவைப் பெற்றது.

1958ல் ஸ்கூல் மாஸ்டர் ஆகில இந்திய சான்றிதழ் பெற்றது

தகுதிச் சான்றிதழ் சிறந்த தமிழ் படம் வீர பாண்டிய கட்டபொம்மன் (1959ல்)

குடியரசுத் தலைவர் வெள்ளிப் பதக்கம் சிறந்த தமிழ் படம் கப்பலோட்டிய தமிழன்.

08-10-1974 – அமரர் ஆனார்
-
நன்றி- சென்னை சிட்டி நியூஸ் -

-
(Photo courtesy-chennai 365)

தென்னிந்திய மொழிகளில் 57 படங்கள் தயாரித்து இயக்கியவர் பந்துலு ஆவார்.இவர் 26-7-10ல் பிறந்தவர்.ஒரு நடிகராக வாழ்க்கையை துவக்கியவர் பின் பத்மினி பிக்சர்ஸ் என்ற பெயரில் தயாரிப்பு நிறுவனத்தைத் தொடங்கி மா பெரும் பல படங்களை தயாரித்தார்.

சிவாஜி கணேசன் நடித்த, வீர பாண்டிய கட்டபொம்மன் இவருக்கு ஆஃப்ரோ ஆசிய ஃபில்ம் ஃபெஸ்டிவல் விருதப் பெற்றுத் தந்தது.மேலும் கப்பலோட்டிய தமிழன்,கர்ணன் ஆகிய படங்கள் பெரும் புகழைப் பெற்றுத் தந்தன.

இவர் இயக்கத்தில் வந்த மற்ற படங்கள் முதல் தேதி,,சபாஷ் மீனா,பலே பாண்டியா,கல்யாணம் பண்ணியும் பிரம்மச்சாரி,தங்கமலை ரகசியம்,முரடன் முத்து ஆகியவை.

எம்.ஜி.ஆர்., நடிக்க இவர் இயக்கியவை ஆயிரத்தில் ஒருவன்,ரகசிய போலீஸ்115,தேடி வந்த மாப்பிள்ளை,நாடோடி,மதுரை மீட்ட சுந்தர பாண்டியன்.

ஜெயலலிதாவை முதன் முதல் திரையுலகிற்கு அறிமுகப் படுத்தியவர் இவர்.'சின்னட கோம்பே' என்னும் கன்னடப் படத்தில் அறிமுகப் படுத்தினார்.பின் எம்.ஜி.ஆரின் ஜோடியாக முதலில் அறிமுகப் படுத்தப்பட்டது ஆயிரத்தில் ஒருவன் படத்தில்.

என்.டி.ராமாராவ்,நாகேஸ்வர ராவ் அவர்கள் நடித்த பல தெலுங்கு படங்கள் இயக்கியுள்ளார்.

இவரது கப்பலோட்டிய தமிழன் படத்தைப் பார்த்த அன்றைய பிரதமர் இந்திராகாந்தி மனம் மகிழ்ந்து இப்பத்திற்கு வரி விலக்கு அளித்தார்.

'குழந்தைகள் கண்ட குடியரசு' என்ற இவர் படம் தேசிய விருது பெற்றது.

பலே பாண்டியா, கல்யாணம் பண்ணியும் பிரம்மச்சாரி இரண்டும் நல்ல நகைச்சுவைப் படங்கள்.

பள்ளி ஆசிரியர் பற்றிய ஸ்கூல் மாஸ்டர் என்ற படத்தில் இவர் பிரதம வேடத்தில் நடித்தார்.இப்படம் அனைத்து தென்னிந்திய மொழிகளிலும் வெளியானது.

1974 ஆம் ஆண்டு இயற்கை எய்தினார்.
----
நன்றி- டி.வி.ராதாகிருஷ்ணன்