கொரோனா வைரஸ் தாக்குதல் - தொடர் பதிவு

**ayyasamy ram** · **ayyasamy ram** Sun Mar 08, 2020 12:04 pm

சீனாவில் கொரோனா வைரஸ் பாதிப்பால் மேலும் 27 பேர்
பலியாகியுள்ளனர்.
இதையடுத்து பலியானோர் எண்ணிக்கை 3,097 ஆக
அதிகரித்துள்ளது.

சீனாவில் பாதிக்கப்பட்டோரின் எண்ணிக்கை 80,651 லிருந்து
80,696 ஆக உயர்ந்துள்ளது.

சீனாவில் கொரோனா வைரஸ் பரவுவது ஓரளவு கட்டுக்குள்
கொண்டு வரப்பட்டதாக அந்நாட்டு சுகாதாரத்துறை
தெரிவித்துள்ளது. ஆனாலும், வைரஸ் பாதிப்பால் பலியானோர்
எண்ணிக்கை தொடர்ந்து அதிகரித்த வண்ணமே உள்ளது.
-
மாலைமலர்

**ayyasamy ram** · **ayyasamy ram** Sun Mar 08, 2020 12:10 pm

கொரோனா வைரஸ் தாக்கிய என்ஜினீயரின் உறவினர்கள் உள்பட 27 பேர் கண்காணிப்பு

வெளிநாட்டில் இருந்து திரும்பிய காஞ்சிபுரம் என்ஜினீயர் ஒருவரை
கொரோனா நோய் தாக்கி இருக்கும் அதிர்ச்சி தகவல் தற்போது
தெரியவந்துள்ளது.

ஓமன் நாட்டில் உள்ள மஸ்கட்டில் கடந்த 12 ஆண்டுகளாக பணிபுரிந்து
வந்த அந்த என்ஜினீயர் கடந்த 28-ந்தேதி சென்னை வந்தார்.

விமான நிலையத்தில் மருத்துவ பரிசோதனைகளை முடித்துக் கொண்டு
காஞ்சிபுரத்தில் உள்ள தனது வீட்டுக்கு அவர் சென்றார். அதன்பிறகு
சளி மற்றும் காய்ச்சலால் அவதிப்பட்ட அவர் அங்குள்ள தனியார்
மருத்துவமனையில் சிகிச்சை பெற்றார்.

கடந்த 1-ந்தேதி காஞ்சிபுரம் என்ஜினீயர் கால்டாக்சியில் ஸ்டான்லி
ஆஸ்பத்திரிக்கு அழைத்து வரப்பட்டார்.

பரிசோதனையில் காஞ்சிபுரம் என்ஜினீயருக்கு கொரோனா பாதிப்பு
இருப்பது உறுதி செய்யப்பட்டது.

அவர் காஞ்சிபுரம் வந்த போது யார்-யாருடன் நெருக்கமாக பழகினார்
என்பதை கண்டறிந்து அனைவரையும் சுகாதாரத் துறையினர் தங்களது
கட்டுப்பாட்டுக்குள் கொண்டு வந்துள்ளனர்.

கொரரோனா பாதிப்புக்குள்ளான என்ஜினீயரின் உறவினர்கள், கட்டிட
வேலை செய்தவர்கள் காஞ்சிபுரத்தில் இருந்து ஸ்டான்லிக்கு அவரை
அழைத்து வந்த கார் டிரைவர், காஞ்சிபுரம் மற்றும் ஸ்டான்லி
ஆஸ்பத்திரியில் சிகிச்சை அளித்த 2 டாக்டர்கள் என மொத்தம் 27 பேர்
தீவிரமாக கண்காணிக்கப்பட்டு வருகிறார்கள்.

அனைவருக்கும் தொடர் மருத்துவபரிசோதனையும் சிகிச்சையும்
மேற்கொள்ளப்பட்டு வருகிறது.

இவர்களுக்கும் என்ஜினீயர் மூலமாக கொரோனா வைரஸ் தாக்கி
இருக்கலாம் என்கிற சந்தேகம் ஏற்பட்டுள்ளது. இதையடுத்து இவர்களது
ரத்த மாதிரிகளும் பரிசோதனைக்கு அனுப்பப்பட்டுள்ளன.

இதன் முடிவுகள் வந்த பிறகே 27 பேருக்கும் கொரோனா பாதிப்பு உள்ளதா?
இல்லையா? என்பது தெரியவரும். இதற்காக சுகாதாரத்துறையினர்
காத்திருக்கிறார்கள்.

**ayyasamy ram** · **ayyasamy ram** Sun Mar 08, 2020 12:15 pm

கேரளாவில் மேலும் 5 பேருக்கு கொரோனா வைரஸ் பாதிப்பு
இருப்பது உறுதி செய்யப்பட்டு உள்ளது

என அம்மாநில சுகாதாரத்துறை மந்திரி ஷைலஜா தெரிவித்துள்ளார்.

கொரோனா வைரஸ் பாதிப்பு உள்ளவர்களை தனிமைப்படுத்தி,
தனி வார்டில் வைத்து தொடர்ந்து கண்காணித்து வருவதாக தெரிவிக்கப்பட்டு
உள்ளது.

இதையடுத்து, இந்தியாவில் கொரோனா வைரஸ் பாதிப்புக்கு ஆளானோர்
எண்ணிக்கை 39 ஆக அதிகரித்துள்ளது.

மாலைமலர்

**ayyasamy ram** · **ayyasamy ram** Sun Mar 08, 2020 12:16 pm

அமெரிக்காவில் இருந்து தோஹா வழியாக சென்னை வந்த
15 வயது சிறுவனுக்கு கொரோனா வைரஸ் அறிகுறி இருப்பதாக
விமான நிலைய மருத்துவக் குழுவினர் தெரிவித்துள்ளனர்.

இதையடுத்து, கொரோனா அறிகுறி உள்ள சிறுவனை ராஜீவ் காந்தி ம
ருத்துவமனைக்கு விமான நிலைய மருத்துவக் குழுவினர் சிகிச்சைக்காக
அனுப்பி வைத்தனர். அங்கு தனிமைப்படுத்தி சிகிச்சை அளிக்கப்பட்டு
வருகிறது.

**ayyasamy ram** · **ayyasamy ram** Tue Mar 10, 2020 4:13 pm

ஈரானில் மீட்கப்பட்ட 58 இந்தியர் தாயகம் திரும்பினர்
-

இந்தியர்களை மீட்பதற்காக, உ.பி., மாநிலம் ஹிண்டன்
விமானப்படை தளத்தில் இருந்து சி17 என்ற விமானம்
நேற்று(மா்ரச்9) ஈரான் கிளம்பியது.
அதில், மருத்துவ குழுவினரும் சென்றனர்.

முதல்கட்டமாக, ஈரானில் வசித்த 58 பேருடன், டெஹ்ரானில்
இருந்து கிளம்பிய, விமானம் காலை உ.பி., மாநிலம்
காசியாபாத்தில் உள்ள ஹிண்டன் விமானப்படை
தளத்தில் தரையிறங்கியது.

அங்குள்ள மற்ற இந்தியர்களும் விரைவில் மீட்டு தாயகம்
அழைத்து வரப்பட உள்ளனர்.

தினமலர்

**ராஜா** · **ராஜா** Wed Mar 11, 2020 5:02 pm

மூன்றே நாளில் சென்னையில் கொராணா பாதிக்கப்பட்ட நபரை குணப்படுத்தி விட்டதாக அமைச்சர் சொல்லியுள்ளார் , இது சாத்தியம் என்றால் நம் மருத்துவர்களை சீனாவுக்கு அனுப்பி உதவலாமே