நாய்க்காக திருட்டு மின்சாரத்தில் ஏசி ; அபராதம் கட்டிய நபர்

**ayyasamy ram** · **ayyasamy ram** Sun Mar 08, 2020 6:09 am

-
தானே :
மஹாராஷ்டிராவில் செல்லமாக வளர்க்கும் நாய்க்காக
திருட்டு மின்சாரம் மூலம் 24 மணி நேரம் ஏசி வசதி செய்வருக்கு
7 லட்ச ரூபாய் அபராதம் விதிக்கப்பட்ட சம்பவம் நடந்துள்ளது.

மஹாராஷ்டிர மாநிலம் தானே மாவட்டத்தில் ஒருவர் பலவகையான
விலை உயர்ந்த நாய்களை செல்லப்பிராணிகளாக வளர்த்து வருகிறார்.
இந்தவகை நாய்கள் வெயிலின் கொடுமையால் பாதிக்கப்படாமல்
இருக்க புதிய யுத்தி ஒன்றை கையாண்டிருக்கிறார்.

நாய்கள் உள்ள அறையில் 24 மணி நேரமும் கூலிங்காக இருக்க ஏசி
வசதி செய்துள்ளார். ஆனால் இதற்கு திருட்டுத்தனமாக வயர் மூலம்
மின்சாரத்தை திருடி இணைப்பு கொடுத்துள்ளார்.

இந்த முறையற்ற மின் இணைப்பு மூலம் மின்சாரம் திருடப்படுவதை
அறிந்த சிலர், மஹாராஷ்டிர மின்சார வாரியம் ( MSEDCL) மின்சார
அதிகாரிகளுக்கு தகவல் அளித்தனர். அதன்படி அந்நபரின் வீட்டை
சோதனையிட்ட அதிகாரிகள் மின் திருட்டை கண்டுபிடித்துள்ளனர்.

அதில் நாய்கள் சொகுசாக வாழ்வதற்காக அவர் 34 ஆயிரத்து 465 யூனிட்
மின்சாரத்தை திருடியது கண்டுபிடிக்கப்பட்டது.

இது குறித்து அதிகாரி ஒருவர் கூறுகையில், "மின்சார சட்டம், 2003 இன்
பிரிவு 135 (மின்சார திருட்டு) இன் கீழ் நாங்கள் நடவடிக்கை எடுத்தோம்.
34,465 யூனிட் மின்சாரத்தை திருடியதற்காக ரூ 7.22 லட்சம் ரூபாய்
அபராதமாக செலுத்தினார். இவ்வாறு தெரிவித்தார்.

பொதுவாக சிலர், தன் வீட்டில் உள்ளவர்களுக்காக மின்சாரம் திருடும்
சம்பவங்கள் போய் தற்போது நாய்கள் சொகுசாக ஏசியில் இருப்பதற்காக
மின்சாரம் திருடிய இச்சம்பவம் அப்பகுதியில் அதிர்ச்சியையும்
கோபத்தையும் ஏற்படுத்தி உள்ளது.

தினமலர்

நாய்க்காக திருட்டு மின்சாரத்தில் ஏசி ; அபராதம் கட்டிய நபர்

நாய்க்காக திருட்டு மின்சாரத்தில் ஏசி ; அபராதம் கட்டிய நபர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக