தமிழ் எழுத்தாளா் சோ. தருமன் உள்பட 24 பேருக்கு சாகித்ய அகாதெமி விருது

-
சோ.தருமன்
------------------

புது தில்லி:
தமிழ் எழுத்தாளா் சோ.தருமன் உள்ளிட்ட இந்திய மொழிகளைச்
சோ்ந்த 24 எழுத்தாளா்களுக்கு சாகித்ய அகாதெமி விருது வழங்கப்பட்டது.

சிறந்த இலக்கியப் படைப்புகளுக்கான 2019-ஆம் ஆண்டுக்கான சாகித்ய
அகாதெமி விருது வழங்கும் விழா தில்லி கமானி அரங்கில்
செவ்வாய்க்கிழமை நடைபெற்றது. நிகழ்ச்சிக்கு சாகித்ய அகாதெமியின்
தலைவா் சந்திரசேகா் கம்பாா் தலைமை வகித்தாா். செயலா்
கே.ஸ்ரீநிவாச ராவ் வரவேற்புரையாற்றினாா்.

தலைமை விருந்தினராக ஹிந்தி மொழிக் கவிஞரும், பாடலாசிரியருமான
குல்ஷாா் கலந்து கொண்டாா்.

நிகழ்ச்சியில் தமிழ் எழுத்தாளா் சோ.தருமனுக்கு சாகித்ய அகாதெமி விருதை
அதன் தலைவா் சந்திரசேகா் கம்பாா் வழங்கினாா். அவரது ‘சூல்’ என்ற
நாவலுக்கு இந்த விருது வழங்கப்பட்டுள்ளது.

இதேபோல, பிரபல ஆங்கில மொழி எழுத்தாளரும், காங்கிரஸ் எம்பியுமான ச
சி தரூருக்கு சாகித்ய அகாதெமி விருது வழங்கப்பட்டது. அவா் எழுதிய
‘அன் எரா ஆஃப் டாா்க்னஸ்’ (அச உதஅ ஞஊ ஈஅதஓசஉநந) என்ற நூலுக்காக
இந்த விருது வழங்கப்பட்டது.

இந்தியாவை ஆட்சி செய்த கிழக்கு இந்தியக் கம்பெனி, இந்தியாவின் வளங்களை
எவ்வாறு சுரண்டியது என்பதை இந்த நூல் தெளிவாக விவரிக்கிறது.

ஹிந்தி மொழிக்கான விருது, புகழ்பெற்ற கவிஞரும் எழுத்தாளருமான
நந்த் கிஷோா் ஆச்சாா்யாவுக்கும், தெலுங்கு மொழிக்கான விருது
பந்தி நாராயண சாமிக்கும், மலையாள மொழிக்கான விருது வி.மதுசூதனன்
நாயருக்கும், கன்னட மொழிக்கான விருது விஜயா என்ற எழுத்தாளருக்கும்
வழங்கப்பட்டன.

இந்நிலையில், சிறந்த மொழிபெயா்ப்புக்கான சாகித்ய அகாதெமி விருதுக்கு
கே.வி. ஜெயஸ்ரீ தோ்வு செய்யப்பட்டுள்ளாா். இது குறித்து அறிவிப்பு
திங்கள்கிழமை இரவு வெளியானது. ‘நிலம் பூத்து மலா்ந்த நாள்’ என்ற
மலையாள நூலை மொழி பெயா்த்ததற்காக கே.வி. ஜெயஸ்ரீக்கு இந்த விருது
அறிவிக்கப்பட்டுள்ளது. அவருக்கு இந்த விருது பின்னா் வழங்கப்படும் என்று
சாகித்ய அகாதெமி தெரிவித்துள்ளது.

40 ஆண்டு இலக்கியப் பணிக்கு கிடைத்த விருது:
விருது குறித்து சோ.தருமன் தினமணியிடம் கூறியதாவது:

மத்திய அரசு சாா்பில் இலக்கியத்துக்காக வழங்கப்படும் உயா்ந்த விருதுகளில்
ஒன்றான சாகித்ய அகாதெமி விருதைப் பெற்றதில் மகிழ்ச்சியடைகிறேன்.
40 ஆண்டுகால எனது இலக்கியப் பணிக்கு மகுடம் வைத்தால் போல இந்த
விருது கிடைத்துள்ளது.

சாகித்ய அகாதெமி விருது கிடைத்த ‘சூல்’ நாவலை மழையை மட்டுமே
நம்பி விவசாயம் பாா்க்கும் கரிசல் பூமியை அடிப்படையாக வைத்து எழுதினேன்.
இன்னும் சில வருடங்களில் தண்ணீருக்காக மக்கள் இடம் பெயரும் நிலை
ஏற்படும் என்று ஐக்கிய நாடுகள் சபை தெரிவித்துள்ளது. சுற்றுச்சூழல்
பிரச்னைகளிலேயே மிகவும் முக்கியமானது நீா் தொடா்பான பிரச்னைதான்.

இந்தியா, அடிப்படையில் விவசாயத்தொழிலை மையமாக்க கொண்ட நாடு.
நாட்டில் வாழும் சுமாா் 60-70 சதவீதமான மக்கள் விவசாயத்தை நம்பியே
வாழ்கிறாா்கள். இந்த மக்களுக்கு மழையை விட்டால் வேறு எந்த வகையிலும்
நீா் ஆதாரங்கள் இல்லை.

எனவே, இதன் முக்கியத்துவத்தை உணா்ந்த மன்னா்கள், ஜமீன்தாா்கள்,
பிரிட்டிஷ்காரா்கள் எப்படி நீா் நிலைகளை உருவாக்கி மழைநீரைப் பாதுகாத்தாா்கள்
என்பதையும், அந்த நீா்நிலைகளுக்கும் மக்களுக்கும் இருந்த உணா்வுபூா்வமான
பிணைப்பு தொடா்பாகவும், நீா்நிலைகளைப் பாதுகாக்க நாம் எவ்வாறு தவறியுள்ளோம்
என்பதையும் ‘சூல்’ நாவலில் விவரித்திருந்தேன்.

நாட்டில் உள்ள நீா்நிலைகளைப் பாதுகாக்க மத்திய மாநில அரசுகள் நடவடிக்கை
எடுக்க வேண்டும். மேலும், முயல்கள், காடைகள், கெளதாரிகளை வேட்டையாடக்
கூடாது என தமிழகத்தில் கடந்த 20 ஆண்டுகளாக தடை நீடிக்கிறது.

இதனால், சூழல் சமநிலை பாதிக்கப்பட்டுள்ளது. இந்த விலங்குகளின் பெருக்கம்
அதிகரித்துள்ளதால் விவசாயம் பாதிக்கப்படுகிறது. இந்தத் தடையை தமிழக அரசு
விலக்கிக் கொள்ள வேண்டும் எனக் கோரிக்கை வைக்கிறேன் என்றாா் அவா்.

தினமணி