சீனாவில் வனவிலங்குகளை உண்ணவும் விற்கவும் தடை

-
பீஜிங்:
மனிதனைத் தவிர அனைத்து உயிர்களையும் கொன்று
தின்றதால், உயிரைக் குடிக்கும் கொரோனா வைரஸ்
பாதிப்புக்குள்ளான சீனா, வன விலங்குகளை விற்கவும்
உண்ணவும் தடை விதித்துள்ளது.

சீனாவின் வுஹான் நகரில் உருவான கொரோனா வைரசால்,
சீனாவில் இதுவரை, 2,500க்கும் மேற்பட்டோர் உயிரிழந்துள்ளனர்;
77,000 பேர் பாதிக்கப்பட்டுள்ளனர். சீனாவுக்கு வெளியே,
30 நாடுகளில், 1,200 பேருக்கு கொரோனா தொற்று இருப்பது
கண்டறியப்பட்டுள்ளது. வேகமாகப் பரவிவரும் வைரசை
கட்டுப்படுத்த, முழுமையான முயற்சிகளை சீன அரசு
எடுத்திருந்தாலும், அதில் வெற்றி கொள்ள முடியாமல்
திணறுகிறது சீனா
-


இந்நிலையில், 'சீனாவில் நடைபெறும் வனவிலங்குகள் வர்த்தகமே
இந்த வைரஸ் தோன்றியதற்கும் பரவியதற்கும் காரணம்' எனவும், '
சீனர்கள் விரும்பி உண்ணும் ஏதோவொரு விலங்கிடமிருந்தே
இந்த வைரஸ் தொற்று மனிதர்களுக்கு பரவியிருக்கிறது' என்றும்
ஆராய்ச்சியாளர்கள் தெரிவித்துள்ளனர்.



இதனால், சீனாவில் வனவிலங்குகளை விற்கவும் உண்ணவும்
உடனடித் தடையை, சீன அரசு அமல்படுத்தியுள்ளது. இதற்கு,
சீன பாராளுமன்றத்தின் உயர்மட்ட கமிட்டி ஒப்புதல் வழங்கியுள்ளது.

சார்ஸ் வைரஸ் பரவிய போது, வனவிலங்கு வர்த்தகத்துக்கு மட்டும்,
சீன அரசு இடைக்கால தடை விதித்திருந்தது.


-
உலக நாடுகளுக்குக் கண்டனம்

'சீனர்கள் மனிதனைத் தவிர அனைத்து உயிர்களையும்
கொன்று தின்பதால், மனிதர்களின் உயிரைக் குடிக்கும்
கொடிய வைரஸ்கள் அங்கு உருவாகின்றன என, பல
நாடுகளைச் சேர்ந்தவர்களும் கொரோனா வைரஸ்
உருவான நாளில் இருந்து, கருத்துத் தெரிவித்து வந்தனர்.

இதற்கு கடந்த வாரம், 'தமது உணவுப் பழக்க வழக்கங்களை
யாரும் கொச்சைப்படுத்த வேண்டாம்' என, சீன அரசு, உலக
நாடுகளுக்குக் கண்டனம் தெரிவித்திருந்தது குறிப்பிடத்தக்கது.

தினமலர்