டிப்ஸ்.. டிப்ஸ்.. (மகளிர்மணி)

**ayyasamy ram** · **ayyasamy ram** Sat Feb 15, 2020 8:07 pm

-
கோஸைப் பொடியாக நறுக்கி ஆவியில் வேக
வைத்து எடுத்து, தயிரில் போட்டு கடுகு,
உளுந்தம் பருப்பு , வெங்காயம், பச்சைமிளகாய்,
நறுக்கிய இஞ்சி சிறிது கறிவேப்பிலை போட்டுத்
தாளித்து எடுக்க, அருமையான கோஸ் பச்சடி ரெடி.

• காலிஃபிளவர், முட்டைகோஸ் வேக வைக்கும்போது
அதன் வாடையைத் தவிர்க்க சில சொட்டு எலுமிச்சைச்
சாற்றை ஊற்றி வேக வைத்தால் போதும் வாடை வராது.

• கட்லெட் செய்வதற்கு பிரெட் தூள் இல்லாவிட்டால்
அரிசியைப் பொரித்துத் தூளாக்கிப் பயன்படுத்தலாம்.

• முள்ளங்கி சாம்பார் செய்யும்போது சிறிதளவு
எண்ணெய்யில் முள்ளங்கியை வதக்கிய பின் செய்தால்
சாம்பாரின் ருசியே அலாதிதான்.

• ரசம் செய்யும்போது தேங்காய் தண்ணீர் சிறிது சேர்த்து
ஒரு தக்காளியும் அரைத்துக் கலந்தால் ருசியாகவும்
கலராகவும் இருக்கும்.

• சமோசா செய்யும் முன் மைதாமாவை சலித்து துணியில்
கொட்டி இட்லிப் பானையில் 5 நிமிடங்கள் வேக வைத்து
பின்பு சமோசா செய்தால் சமோசா மிருதுவாகவும்,
மொறுமொறுப்பாகவும், சுவையாகவும் இருக்கும்.

**ayyasamy ram** · **ayyasamy ram** Sat Feb 15, 2020 8:08 pm

• வீட்டில் செய்யும் புளியோதரை சுவையாக இருக்க
மல்லித்தூள் 2 தேக்கரண்டி, மிளகுத் தூள் 1 தேக்கரண்டி,
நிலக்கடலை 2 தேக்கரண்டி மூன்றையும் ஒரு ஸ்பூன்
நல்லெண்ணெய்யில் வறுத்துப் பொடியாக்கவும்.
புளியோதரை கிளறியவுடன் இந்தப் பொடியை தேவையான
அளவு தூவி கலந்தால் மணக்க மணக்க பரிமாறலாம் ருசியான,
காரமான புளியோதரை.

• ஆவக்காய் ஊறுகாய் போடும்போது இரண்டு கைப்பிடி
கொண்டைக்கடலையைப் போட்டுவிட்டால் ஊறிய பிறகு
உப்பு, காரம் சேர்த்து சாப்பிட சுவையாக இருக்கும்.

• வடைக்கு மாவு அரைக்கும்போது தண்ணீர் சிறிது
அதிகமாகிவிட்டால் ஒரு ஸ்பூன் நெய்யை அதில் விட மாவு
சட்டென இறுகிவிடும்.

• சாப்பாத்தி காய்ந்து போனால் அதில் சிறிதளவு தண்ணீர்
தெளித்து பத்து விநாடி மைக்ரோ வேவ் அவனில் வைத்துச்
சூடாக்கினால் மென்மையாகிவிடும்.
-
-------------------------
சீதாலட்சுமி

**ஜாஹீதாபானு** · **ஜாஹீதாபானு** Tue Feb 18, 2020 3:59 pm

டிப்ஸ்.. டிப்ஸ்.. (மகளிர்மணி) 1571444738

**krishnaamma** · **krishnaamma** Mon Feb 24, 2020 8:57 pm

ayyasamy ram wrote:
-
• சமோசா செய்யும் முன் மைதாமாவை சலித்து துணியில்
கொட்டி இட்லிப் பானையில் 5 நிமிடங்கள் வேக வைத்து
பின்பு சமோசா செய்தால் சமோசா மிருதுவாகவும்,
மொறுமொறுப்பாகவும், சுவையாகவும் இருக்கும்.

மேற்கோள் செய்த பதிவு: 1313232

சமோசா இப்படிச் செய்தது இல்லை , செய்து பார்க்கிறேன் ............. டிப்ஸ் க்கு நன்றி ராம் அண்ணா ! புன்னகை