நடைபாதையில் பைக் ஓட்டியவருக்கு பாடம் புகட்டிய 'சூப்பர் லேடி'

**ayyasamy ram** · **ayyasamy ram** Sun Feb 23, 2020 7:29 am

-
புனே:
புனேயில் நடைபாதையில் பைக் ஓட்டி, பாதசாரிகளுக்கும்,
மூத்த குடிமக்களுக்கும் இடையூறு ஏற்படுத்தி
வந்தவர்களுக்கு வயதான பெண் ஒருவர் துணிச்சலுடன்
பாடம் கற்றுக் கொடுத்த வீடியோ சமூக வலைதளங்களில்
வைரலாகி வருகிறது.

புனே எஸ்என்டிடி கல்லூரி அருகே உள்ள நடைபாதையில்
பலரும் தங்களின் பைக்குகளை நிறுத்திச் செல்வதும்,
சிக்னல் அருகில் உள்ள இந்த நடைபாதையில் பலர்
பைக்களை வேகமாக ஓட்டி வருவதையும் வழக்கமாக
கொண்டுள்ளனர்.

இதைத் தடுக்க முயன்றும் புனே போக்குவரத்து
போலீசாரின் முயற்சிகள் தோல்வி அடைந்து விட்டன.
பைக் ஓட்டிகளால் நடைபாதையில் நடக்க முடியாமல்
அவதிப்பட்டவர்களில் நிர்மலா கோகலேவும் ஒருவர்.

வயதான இவர் சமீபத்தில், நடைபாதையின் குறுக்கே
நின்று கொண்டு, எதிரே வேகமாக பைக்கில் வந்தவரிடம்,
தொடர்ந்து நடைபாதையில் செல்ல வேண்டுமானால்
என்னை மோதி விட்டு செல்.

இல்லாவிட்டால் கீழே இறங்கி, சாலையில் பைக்கை
ஓட்டிச் செல் என சத்தமாகவும், கடுமையாகவும்
பேசினார். இதனை எதிர்பார்க்காத அந்த இளைஞர்,
நடைபாதையை விட்டு இறங்கி, பைக்கை ஓட்டிச்
சென்றார்.

நிர்மலாவில் இந்த செயலைக் கண்டு, அங்கிருந்த
பலரும் அவருடன் சேர்ந்து பைக் ஓட்டிகளுக்கு
எதிர்ப்பு தெரிவித்தனர்.

நிர்மலாவின் இந்த செயலை பலரும் பாராட்டி வருகின்றனர்.
அதிகாரிகள் இதற்கு நடவடிக்கை எடுக்க வேண்டும் என
கோரிக்கையும் வலுப்பெற்றுள்ளது.

நிர்மலா, பைக் ஓட்டி வந்த இளைஞரை கண்டித்த வீடியோ
சமூக வலைதளங்களில், சூப்பர்லேடி என குறிப்பிட்டு
வேகமாக பகிரப்பட்டு வருகிறது.

தினமலர்

நடைபாதையில் பைக் ஓட்டியவருக்கு பாடம் புகட்டிய 'சூப்பர் லேடி'

நடைபாதையில் பைக் ஓட்டியவருக்கு பாடம் புகட்டிய 'சூப்பர் லேடி'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக