16 நாட்டு ராணுவத்தில் உயர் பதவியில் பெண்கள்

**ayyasamy ram** · **ayyasamy ram** Fri Feb 21, 2020 6:05 am

-
புதுடில்லி:
உலகளவில் 16 நாடுகளின் ராணுவத்தில் பெண்கள்
உயர் பதவி அல்லது போர்ப் படையில் உள்ளனர்.

'ராணுவத்தில் பெண் அதிகாரிகளுக்கு நிரந்தர
ஆணையம் அமைத்து உயர்பதவி வழங்க வேண்டும்;
போர் முனைக்கு பெண்களை அனுப்புவது குறித்து
அரசு கொள்கை ரீதியில் முடிவெடுக்கலாம்' என
உச்ச நீதிமன்றம் சில தினங்களுக்கு முன் உத்தரவிட்டது.

இந்நிலையில் உலகில் 16 நாடுகளின் ராணுவத்தில்
பெண்கள் உயர் பதவி அல்லது போர்ப் படையில்
உள்ளனர்.
16 நாட்டு ராணுவத்தில் உயர் பதவியில் பெண்கள் Gallerye_041219955_2485600

16 நாட்டு ராணுவத்தில் உயர் பதவியில் பெண்கள் Gallerye_041219955_2485600

-

அமெரிக்காவின் விமானம் மற்றும் கடற்படை
பிரிவுகள் 1990களின் துவக்கத்தில் இருந்து போர்
முனையில் வீராங்கனைகளை ஈடுபடுத்தி
வருகின்றன.

சீனாவில் 14 லட்சம் ராணுவத்தினரில் 53 ஆயிரம்
பெண் உயர் அதிகாரிகள் உள்ளனர். இந்தியா,
பாகிஸ்தானில் 3,400 பெண் அதிகாரிகள்
உள்ளனர்.

இஸ்ரேல் 1985ல் பெண்களை போர் படைப் பிரிவில்
சேர்க்கத் துவங்கியது. இதை டென்மார்க் 1988லும்
கனடா 1989லும் பின்பற்றின. வட அட்லாண்டிக்
ஒப்பந்த கூட்டமைப்பு நாடுகளில் முதன் முதலாக
நார்வே 1980களில் பெண்களை முப்படைகளின்
முன்னணி பதவிகளுக்கு நியமித்தது.
16 நாட்டு ராணுவத்தில் உயர் பதவியில் பெண்கள் Gallerye_041225777_2485600

16 நாட்டு ராணுவத்தில் உயர் பதவியில் பெண்கள் Gallerye_041225777_2485600

-

இந்திய ராணுவத்தில் ஒரு சில பிரிவுகளை தவிர
இதர பிரிவுகளில் பெண்களை நியமிப்பதற்கான
தடை 1992ல் நீக்கப்பட்டது.

அந்தாண்டில் முதன் முதலாக ராணுவத்தின் ஐந்து
பிரிவுகளில் பெண்கள் சேர்க்கப்பட்டனர். உச்ச
நீதிமன்ற உத்தரவுப்படி அடுத்த மூன்று
மாதங்களில் பெண்களுக்கு நிரந்தர ஆணையம்
அமைக்கப்பட உள்ளது. அதன் கீழ் குறுகிய கால
ஆணையத்தின் கீழ் இருக்கும் அனைத்து பெண்
அதிகாரிகளும் கொண்டு வரப்பட உள்ளனர்.

தினமலர்

16 நாட்டு ராணுவத்தில் உயர் பதவியில் பெண்கள்

16 நாட்டு ராணுவத்தில் உயர் பதவியில் பெண்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக