Latest topics

23 ஆயிரம் அடி மலையேறி சென்னை பெண் சாதனை

ஈகரை தமிழ் களஞ்சியம் :: செய்திக் களஞ்சியம் :: விளையாட்டு செய்திகள்

Page 1 of 1

23 ஆயிரம் அடி மலையேறி சென்னை பெண் சாதனை

Post by ayyasamy ram Sun Feb 16, 2020 6:46 am

-

சென்னை :
தென் அமெரிக்காவில், 23 ஆயிரம் அடி உயரமுள்ள
மலையேறிய, சென்னை இளம்பெண், எவரெஸ்ட்
சிகரத்தில் ஏறி சாதனை படைக்க போவதாக,
விருப்பம் தெரிவித்தார்.

சென்னை, கோடம்பாக்கத்தை சேர்ந்தவர்,
ராஜமாணிக்கம். இவரது மகள், சக்தி நிவேதா, 25.
இன்ஜினியரிங் பட்டதாரியான, அவர், மஹாராஷ்டிரா
மாநிலம், புனேவில், மென்பொறியாளராக பணி
புரிகிறார்.

நிவேதாவிற்கு, சிறு வயதில் இருந்து, மலையேறி
சாதனை படைத்து, ராணுவத்தில் பணிபுரிய வேண்டும்
என்ற, ஆர்வம் இருந்தது.

இதற்காக, இமயமலையில், 8,000 அடி உயரமுள்ள,
எவரெஸ்ட் முகாமிற்கு சென்று, பயிற்சி பெற்றார்.
அவர், 2019 ஆக., 15ம் தேதி, ஐரோப்பிய கண்டத்தில் உள்ள,
18 ஆயிரத்து, 224 அடி உயர, 'எல்பரஸ்' மலையை,
24 தினங்களில் ஏறினார்.

கடந்த, ஜன., 26ம் தேதி, தென் அமெரிக்காவில் உள்ள,
22 ஆயிரத்து, 841 அடி உயரமான, 'அக்கன் காகூவா'
மலையை, 14 நாட்களில் ஏறி சாதனை படைத்தார்.

இது, உலகில் அதிக உயரம் உடைய, ஏழு மலைகளில்,
இரண்டவாது இடத்தில் உள்ளது. இதையடுத்து,
நிவேதாவை, தி.மு.க., தலைவர் ஸ்டாலின், மக்கள்
நீதி மையம் கட்சி தலைவர் கமல் பாராட்டி உள்ளனர்.

இதுகுறித்து, நிவேதா கூறுகையில், ''உலகில், 29 ஆயிரம்
அடி உயரம் உள்ள, இமயமலையின், எவரெஸ்ட் சிகரத்தில்
ஏறி, சாதனை படைக்க வேண்டும் என்பது, என் விருப்பம்.

இதற்கு, மத்திய, மாநில அரசுகள் உதவ வேண்டும்,''
என்றார்.
-
----------------------------
தினமலர்

ayyasamy ram: வழிநடத்துனர்; பதிவுகள் : 82536
இணைந்தது : 30/09/2013