தமிழகத்திற்கு ரூ 8,501 கோடியில் 6 ரயில்வே திட்டங்கள் அறிவிப்பு

சென்னை:
தமிழகத்தில் காட்பாடி விழுப்புரம் இடையே இரண்டாவது ரயில்பாதை உட்பட 6 ரயில்வே திட்டங்கள் ரூ 8,501 கோடி ரூபாய் செலவில் மேற்கொள்ளப்படும் என மத்திய பட்ஜெட்டில் அறிவிக்கப்பட்டுள்ளது.

மத்திய பட்ஜெட்டில் ரயில்வே பட்ஜெட்டும் சேர்த்து வெளியிடப்படுவதால் தமிழகத்திற்கான ரயில்வே திட்டங்களுக்கான நிதி ஒதுக்கீடு குறித்த விபரங்கள் உடனடியாக வெளியாகவில்லைடில்லியில் இருந்து முழு தகவல்கள் வந்ததும் தெரிவிக்கிறோம் என தெற்கு ரயில்வே அதிகாரிகளும் சமாளித்தனர்.

இந்நிலையில் தமிழகத்தில் 10 ரயில்வே திட்டங்களுக்கும் 10 ஆயிரம் கோடி ரூபாய் தான் நிதி ஒதுக்கீடு என செய்திகள் வெளியாயின. சமூக வலை தளங்களிலும் இந்த தகவல் பரவியது. இந்நிலையில் தமிழகத்தில் ஆறு திட்டங்கள் ரூ 8,501 கோடி ரூபாய் செலவில் மேற்கொள்ளப்படும் என தெற்கு ரயில்வே அறிவித்தது.

திட்டங்கள் ஒதுக்கீடுகாட்பாடி விழுப்புரம் இடையே 160.1 கி.மீ., இரண்டாவது பாதை 1,601 கோடி ரூபாய், சேலம் கரூர் திண்டுக்கல் இடையே 160 கி,மீ., இரண்டாவது பாதை 1,600 கோடி ரூபாயில் அமைக்கப்படும்.

ஈரோடு கரூர் இடையே 65 கிமீ., இரண்டாவது பாதை 650 கோடி ரூபாய், தர்மாவரம் பாகலா காட்பாடி இடையே 290 கி.மீ., இரண்டாவது பாதை 2,900 கோடி ரூபாயில் அமைக்கப்படும்.

ஓசூர் ஓமலூர் இடையே 147 கி.மீ இரண்டாவது பாதை 1,470 கோடி ரூபாயில் அமைக்கப்படும்சென்னை கடற்கரை எழும்பூர் இடையே 4.3 கி.மீ. நான்காவது பாதை ரூ 280 கோடியில் என மொத்தம ஆறு திட்டங்கள் செயல்படுத்தப்பட உள்ளன.

தினமலர்