தீர்மானங்களின் தடுமாற்றம்

**ayyasamy ram** · **ayyasamy ram** Wed Feb 05, 2020 5:40 pm

தீர்மானங்கள் எடுப்பது என்பது அனைவருக்கும் பிடித்தமான,
இலகுவான விசயம். தீர்மானங்கள் மனிதனின் மனதைச்
சுத்தப்படுத்தும் கருவியாக இருந்து வருகிறது.

தேவையில்லா விசயங்களைத் தூக்கி எறிந்துவிட்டு, புதிதாகப்
பிறந்ததுபோல வாழ முற்படுவதற்கு, செய்த தவறுகள்
பலவற்றை மறப்பதற்கு, மற்றவரிடம் சொல்லி பெருமைப்
படுவதற்கு என்று பலவகையில் தீர்மானங்கள் மனிதனின்
ஆளுமையுடன் பயணப்பட்டுக் கொண்டே இருக்கின்றன.

இவ்வுலகில் தீர்மானங்களே எடுக்காத உயிர் என்று எதுவுமே
இல்லை.

வருடத்தின் ஆரம்ப நாளில் , தீர்மானங்களை
எடுப்பவர்களாகட்டும், அனுதினமும் ஏதாவது ஒரு
தீர்மானங்களை எடுப்பவராகட்டும், எத்தனை பேர் அவற்றைச்
சரி வர பின்பற்றுகிறோம் என்பது அவதானிக்க முடியாத ஒன்று.

தீர்மானங்களை நடைமுறைப்படுத்த முடியாமைக்குப் பல
காரணிகள் இருக்கலாம். ஆனால் அனைவருக்கும் பொதுவான
ஒரு தடையாய் இருப்பது ஆழ்மனப் போராட்டம்.

உதாரணத்திற்கு, உடம்பைக் குறைக்க வேண்டும் என்ற ஆவல்
அனைவருக்கும் இருக்கும். அதற்காக தினமும் உடற்பயிற்சியும்
சரியான உணவுப் பழக்க வழக்கத்தையும் மேற்கொள்ள
வேண்டும் என்று முடிவும் (அதாவது தீர்மானம்) எடுத்திருப்போம்.

ஆனால் அதிகாலையில் எழுந்து பயிற்சியை ஆரம்பிக்க
வேண்டும் என செயல்திட்டம் உதிக்கும்போது, நம்முடைய
தீர்மானங்கள் ஆழ்மனதிற்குச் சென்று சேர்ந்திருந்தால்,
எவ்வித தடையுமின்றி நம்மால் பயிற்சியைத் தொடர்ந்திட
முடியும். அன்றேல், தூக்கம் மட்டும்தான் மிஞ்சும்.

மேலோட்டமாக எடுக்கப்படும் தீர்மானங்களும், சூழ்நிலைக்
கைதியாகி எடுக்கப்படும் தீர்மானங்களும், காற்றில்லாத
பலூன்போல கீழே கிடக்கும். சுய சிந்தையோடு, ஆழ்மனதின்
விழிப்புணர்வோடு எடுக்கும் எந்த ஒரு முடிவும் தீர்மானமும்,
நம்மை நம்மையறியாமலே செயல்படவைக்கும்.
---------------------------
ராஜேஸ்வரி

**T.N.Balasubramanian** · **T.N.Balasubramanian** Wed Feb 05, 2020 8:59 pm

தீர்மானங்கள் என்றுமே எடுப்பதில்லை என்ற
தீர்மானம்தான், செயல்படக்கூடிய ஒரே
தீர்மானம்.

ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

தீர்மானங்களின் தடுமாற்றம்

தீர்மானங்களின் தடுமாற்றம்

Re: தீர்மானங்களின் தடுமாற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக