துன்பத்திலும் துதி செய்வோம்

**Admin** · **Admin** Fri Sep 26, 2008 2:52 am

தேவன் நல்லவர். அவர் கிருபை என்றுமுள்ளது. ஆனால் மனிதன் பாவம் செய்ததினால் தேவனிடத்திலிருந்து பிரிந்து நிற்கிறான். பாவிகளும், நீசருமாகிய நாம் தேவனை நெருங்கி அவருடைய கிருபையை பெற்று பலனடைவதற்கு விசுவாசம் அவசியம்.

தேவன் இயேசுவின் கிருபை

பாவத்தின் சம்பளம் மரணம். நாம் விரும்பாத தீமையை, பாவத்தை செய்திருக்கிற படியினால் மரணம் நம் சரிரத்தையும் ஆட்கொண்டி ருக்கிறது. நாம் பாவ சரிரத்தோடு சேர்த்துக் கட்டப்பட்டிருக்கிறோம். இந்த நிர்ப்பந்தமான நிலையில் நாம் தொடர்ந்து நீடிப் போமானால் நம் முடிவு நித்திய மரணமே. ஆனால் நல்ல தேவன், நாம் பாவத்தில் மரிப்பதை விரும்பவில்லை.

நல்லவனுக்காக ஒருவன் மரிக்கத் துணிவான். நாம் பாவிகளாயிருக்கையில் கிறிஸ்து நமக்காக மரித்ததினாலே, தேவன் நம்மேல் வைத்த அன்பை விளங்கப் பண்ணுகிறார். நம்மை நல்லவர்களாக மாற்றும்படியாக, இந்த உலகத்திலே மனிதனாகப் பிறந்து, கல்வாரி சிலுவையிலே தம் ஜீவனையே நமக்காகக் கொடுத்தார்.

**Admin** · **Admin** Fri Sep 26, 2008 2:53 am

தேவனுடைய கரம் தம்மை விசுவாசிக்கிறவர்கள் எல்லார் மேலும் நன்மையாக இருக்கிறது என்று வேதத்தை நன்கு கற்றரிந்த வேதபாரகனாகிய எஸ்றாவின் வார்த்தைகள் பறை சாற்றுகின்றன.

தேவனுடைய ராஜ;யத்தையும் அவருடைய நீதியையும் தேடுகிறவர்களுக்கு எல்லா உலக நன்மைகளையும் கூட்டிக்கொடுப்பதாக இயேசு வாக்களித்திருக்கிறார். (மத்தேயு 6„33).
ஆனால் தேவனை தேடும்போது நாம் தேவனுக்கு காத்திருப்பது மிக மிக அவசியம். சிறு துன்பங்கள் வந்தால்கூட தேவனைத் தேடினேன். தேவன் என்னை கைவிட்டார் என்று சிலர் குமுறுகிறார்கள். ஆனால் இப்படி அவ்விசுவாசம் அடையாது எல்லாம் நன்மைக்கே எனக்கருதி எப்போதும் ஆண்டவரின் கிருபையையே நாடிய அடியார்கள் யாவரும் முடிவில் ஜெயம் கண்டார்கள்.

**Admin** · **Admin** Fri Sep 26, 2008 2:53 am

யோபினுடைய வாழ்க்கையிலே துன்பத்தின் மேல் துன்பமும், வியாதியும் ஒன்று சேர்ந்து வந்தன. சாத்தான் யோபுவை அதிகமாக வருத்தி, வாதித்தான். ஆனால் யோபு அதனை ஏதோ தவறு நடந்து விட்டது என்றோ அல்லது சாத்தான் செய்து விட்டான் என்றோ புலம்பவில்லை. கர்த்தர் கொடுத்தார், கர்த்தர் எடுத்தார் என்று கர்த்தர் மேல் கொண்டிருந்த விசுவாசத்தினாலே கர்த்தரை ஸ்தோத்ரித்தான். அவனுடைய மனைவியினால் கடிந்து கொள்ளப்படும் போதுகூட, கர்த்தரிடத்தில் நன்மையை பெற்ற நாம் அவரிடத்தில் தீமையையும் பெற வேண்டாமா? என்று தேவனிடத்தில் தனக்கு உள்ள நம்பிக்கையை வெளிப்படுத்தினான். அதனால் பின்னர் நடந்த சம்பவங்களினால் அவனுடைய விசுவாசம் நிலை நாட்டப்பட்டது. தன் சோதனைகளிலிருந்து ஜெயம் பெற்றவனாக வெளிவந்தான். யோபுவினுடைய ஒத்துழைப்பினால் கர்த்தர் சாத்தானின் தீமைகளை யெல்லாம் அவனுடைய நன்மைக்காக மாற்றினார்.

**Admin** · **Admin** Fri Sep 26, 2008 2:53 am

பவுலும், சீலாவும் அநேக அடிகள் அடிக்கப்பட்டு, காயங்களோடு சிறையில் அடைக்கப்பட்டார். அவர்கள் கால்கள் தொழு மரத்தில் மாட்டி வைக்கப்பட்டிருந்தது. அந்த நிலையிலும் தேவனை துதித்தார்கள். பாடினார்கள். நடந்தது என்ன? பூமி அதிர்ந்தது. சிறைச்சாலையின் கதவுகள் திறவுண்டது. எல்லோருடைய கட்டுகளும் கழன்று போயிற்று. நாமும் தேவனை நம்முடைய விசுவாசத்தை வெளிப்படுத்தி துதித்தோமானால் தேவனுடைய நன்மையை காண்பது நிச்சயம். இன்பத்திலும், துன்பத்திலும் தேவனை துதித்து விசுவாசத்தில் பலனடைவோம். தேவ கிருபையை பெற்று வாழ்வில் வளம் பெறுவோம்

Sponsored content · Sponsored content

துன்பத்திலும் துதி செய்வோம்

துன்பத்திலும் துதி செய்வோம்

தேவனுடைய நீதியை தேடுங்கள்

யோபினின் வாழ்வு

பவுலும் சீலாவும்

Re: துன்பத்திலும் துதி செய்வோம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக