'லவ் ஜிகாத்' வழக்குகள்: மத்திய அரசு, 'சூப்பர்' பதில்

புதுடில்லி:
'லவ் ஜிகாத்' எனப்படும், இளம்பெண்களை காதலித்து,
கட்டாய மதமாற்றம் செய்யும் நிகழ்வுகள், கேரளாவில்
அதிகம் நடைபெறும் நிலையில், 'நாடெங்கும் லவ் ஜிகாத்
தொடர்பாக எந்த வழக்கும் இல்லை' என, பார்லி.,யில்
தெரிவிக்கப்பட்டுள்ளது.

புலனாய்வுமற்ற மதங்களைச் சேர்ந்த இளம்பெண்களை
காதலித்து, முஸ்லிம் மதத்துக்கு மாறும்படி கட்டாயப்படுத்தும்,
லவ் ஜிகாத் நிகழ்வுகள், கேரளாவில் அதிகம் நடப்பதாக
செய்திகள் வெளியாகியுள்ளன. இதில் மிகவும் பிரபலமானது,
ஹாதியா என்ற பெண் தொடர்பான வழக்கு.

இந்நிலையில், இது தொடர்பாக, லோக்சபாவில் ஒரு கேள்வி
எழுப்பப்பட்டுள்ளது. 'கேரளாவில் லவ் ஜிகாத் வழக்குகள் இல்லை
என்று கேரளா உயர் நீதிமன்றம் கூறியுள்ளது குறித்து அரசுக்கு
தெரியுமா' என, கேள்வியில் கேட்கப்பட்டுள்ளது.

இதற்கு எழுத்து மூலம் அளித்துள்ள பதிலில், மத்திய உள்துறை
அமைச்சகம் கூறியுள்ளதாவது: லவ் ஜிகாத் என்ற வார்த்தை,
சட்டத்தின் கீழ் விவரிக்கப்படவில்லை.

லவ் ஜிகாத் தொடர்பாக மத்திய அமைப்புகள் எதுவும்
தெரிவிக்கவில்லை.அதே நேரத்தில் கேரளாவில், வெவ்வேறு
மதத்தினர் இடையேயான இரண்டு திருமணங்கள் தொடர்பான
புகார்களை, என்.ஐ.ஏ., எனப்படும் தேசிய புலனாய்வு அமைப்பு
விசாரிக்கிறது. இவ்வாறு அதில் கூறப்பட்டுள்ளது.

தகவல் ஏதும் இல்லை

'துக்டே துக்டே கேங்க்' என, எதிர்க்கட்சிகளை, பிரதமர் மோடி
மற்றும் மத்திய உள்துறை அமைச்சர் அமித் ஷா உள்ளிட்டோர்
விமர்சித்து வருகின்றனர்.

இந்த துக்டே துக்டே கேங்க் தொடர்பான தகவல் அளிக்கும்படி,
மத்திய உள்துறை அமைச்சகத்துக்கு, சமூக ஆர்வலர் ஒருவர்,
தகவல் அறியும் உரிமை சட்டத்தில் கேட்டிருந்தார்.

'அது தொடர்பான தகவல் ஏதும் இல்லை' என, மத்திய உள்துறை
அமைச்சகம் பதில் அளித்திருந்தது. இந்த நிலையில், லவ் ஜிகாத்
குறித்தும் எந்த வழக்கும் இல்லை என, கூறியுள்ளது.

தினமலர்