சர்க்கரை நோயாளிகளுக்கு உகந்த மூங்கில் அரிசி காய்கறி சூப்

மூங்கில் அரிசியை நீரிழிவு நோயாளிகள் பயன்படுத்துவதன்
மூலம் சர்க்கரை அளவை கட்டுக்குள் வைக்க முடியும்.
இன்று மூங்கல் அரிசியில் சூப் செய்வது எப்படி என்று பார்க்கலாம்.

இனிப்பு சுவையுடன் கூடிய மூங்கில் அரிசி உறுதியானது
என்பதுடன், ஊட்டச்சத்து நிறைந்த அரிசியாகும்.
உடலில் உள்ள வாத, பித்த, கப தோஷங்களை நிவர்த்தி
செய்வதுடன் உடலில் சேரும் நச்சுக்களை நீக்கும் தன்மை
கொண்டது.

அதாவது சிறுநீர் வழியே உடலில் உள்ள நச்சுகளை
வெளியேற்றும் வகையில் இதன் செயல்பாடு அமைகிறது.

தேவையான பொருட்கள் :

மூங்கில் ரைஸ் (‘காதி கிராஃப்ட்’டில் கிடைக்கும்) - ஒரு கப்,
கேரட் - ஒன்று ,
பட்டாணி - ஒரு கப்,
பீன்ஸ் - 5,
வெங்காயம் - ஒன்று,
பூண்டு - 2 பல்,
வெண்ணெய் - ஒரு டேபிள்ஸ்பூன்,
கொத்தமல்லி தழை - ஒரு கைப்பிடி அளவு,
மிளகுத்தூள், உப்பு - தேவையான அளவு.
-
செய்முறை:
--

பீன்ஸ், கேரட், கொத்தமல்லி, வெங்காயம், பூண்டை
பொடியாக நறுக்கி கொள்ளவும்.

பட்டாணியை வேக வைத்து கொள்ளவும்.

மூங்கில் அரிசியில் கல் இருந்தால் நீக்கிவிட்டு, கழுவி
30 நிமிடம் ஊற வைத்து சாதம் சமைப்பது போல் வேக
வைத்து கொள்ளவும். (குக்கரில் போட வேண்டாம்).
வடிகஞ்சியையும் உபயோகிக்கவும்.

கடாயை அடுப்பில் வைத்து வெண்ணெய் ஊற்றி சூடானதும்
பொடியாக நறுக்கிய பூண்டு, கேரட், பீன்ஸ், வெங்காயம்
சேர்த்து நன்கு வதக்கவும்.

இதனுடன் வேக வைத்த பட்டாணியும் சேர்த்து வதக்கவும்.

உப்பு, மிளகுதூள், வடித்த கஞ்சியை சேர்த்து மேலும்
சிறிது தண்ணீர் விட்டு கொதிக்க விட்டு, காய்கறி பாதி
வெந்தவுடன் மூங்கில் ரைஸை சேர்த்து, கொதி வந்தவுடன்
நறுக்கிய கொத்தமல்லி தழை தூவி, இறக்கி பரிமாறவும்.

சத்தான மூங்கில் அரிசி காய்கறி சூப் ரெடி.
-
--------------------------
நன்றி-மாலைமலர்