குரங்குகளை விரட்ட புது யுக்தி: கரடி வேடமணிந்த மனிதர்கள்

**ayyasamy ram** · **ayyasamy ram** Sat 1 Feb 2020 - 7:37

ஷாஜகான்பூர்:
உ.பி.,யில் குரங்குகளை விரட்ட கரடி வேடமிட்டு வந்த
வினோதமான சம்பவம் நிகழ்ந்துள்ளது.

உத்தர பிரதேச மாநிலம் ஷாஜகான்பூர் மாவட்டத்தில் உள்ள சிக்கந்தர்பூர் கிராமத்தில் 2000க்கும் மேற்பட்ட குரங்குகளின் தொல்லை இருந்து வந்துள்ளது. இது குறித்து வனத்துறை அதிகாரிகளிடம் தகவல் கொடுத்தும் அவர்களால் எதுவும் செய்ய முடியவில்லை. இது தொடர்பாக வன அதிகாரி கூறுகையில்;

ஷாஜகான் மாவட்டத்தில் குரங்குகளின் எண்ணிக்கை அதிகரித்துக்கொண்டே இருக்கிறது. அவற்றை பிடிக்க எங்களிடம் போதுமான நிதி இல்லை. ஒரு குரங்கை பிடிக்க ரூ.600 வரை செலவாகிறது. ஊர் மக்கள் அனைவரும் குரங்குகளை விரட்ட அனுமதித்துள்ளோம், என்றார்.

குரங்குகளை விரட்ட புது யுக்தி: கரடி வேடமணிந்த மனிதர்கள் Gallerye_180331599_2470262

குரங்குகளை விரட்ட புது யுக்தி: கரடி வேடமணிந்த மனிதர்கள் Gallerye_180331599_2470262

-

வனத்துறையின் அனுமதியை அடுத்து, ஊர் மக்களே சேர்ந்து குரங்குகளை விரட்ட முடிவு செய்தனர். அதன்படி, இருவர் கரடி வேடமணிந்து குரங்குகள் இருக்கும் இடத்திற்கு சென்று விரட்டினர். குரங்குகளோ உண்மையான கரடிகள் வந்ததாக நினைத்து ஓட்டம் பிடிக்கின்றன. மக்களின் இந்த முயற்சிக்கு தற்போது வெற்றியும் கிடைத்துள்ளது.

இந்த திட்டத்தால் இப்போதெல்லாம் குரங்கு தொல்லை குறைந்துள்ளதாகவும், இதே போல் மற்ற கிராமத்திலும் பின்பற்றப்போவதாகவும் வனத்துறை முடிவு செய்துள்ளது. இது குறித்து கிராமத்தலைவர் ராம் லலித் வர்மா கூறுகையில், 5200 பேர் வாழும் எங்கள் கிராமத்தில் 150 குழந்தைகளுக்கு மேல் குரங்குகள் தாக்கியுள்ளன. இதனை விரட்ட ரூ.1,700 மதிப்புள்ள மூன்று கரடி உடையை வாங்கி அதை அணிந்து விரட்டி வருகிறோம், என்றார்.

தினமலர்

குரங்குகளை விரட்ட புது யுக்தி: கரடி வேடமணிந்த மனிதர்கள்

குரங்குகளை விரட்ட புது யுக்தி: கரடி வேடமணிந்த மனிதர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக