ஆளுநரை திரும்ப பெறக்கோரி கேரள சட்டசபையில் எம்.எல்.ஏக்கள் அமளி

**ayyasamy ram** · **ayyasamy ram** Thu Jan 30, 2020 6:47 am

-
திருவனந்தபுரம்,

குடியுரிமை திருத்த சட்டத்திற்கு எதிராக கேரள சட்டமன்றம் தீர்மானம் நிறைவேற்றியிருந்தது. மேலும், இந்த திருத்த சட்டத்தை எதிர்த்து உச்சநீதிமன்றத்தில் வழக்கு தொடர்ந்திருந்தது. கேரள அரசின் நிலைப்பாட்டிற்கு கேரள ஆளுநர் ஆரீஃப் முகமது கான் அதிருப்தி தெரிவித்தார்.

மேலும் நாடாளுமன்றத்தில் நிறைவேற்றப்பட்ட சட்டத் திருத்தத்தை எதிர்த்து மாநில சட்டமன்றத்தில் தீர்மானம் நிறைவேற்றப்படுவது தவறு என்று கூறியிருந்தார். இதற்கு மாநில முதல்வர் பினராயி விஜயன், எதிர்க்கட்சிகள் கண்டனம் தெரிவித்திருந்தனர்.

இதனை தொடர்ந்து கேரள சட்டசபையில் இன்று நடைபெறும் பட்ஜெட் கூட்டத்தொடரில் பங்கேற்பதற்காக வந்த கேரள ஆளுநர் ஆரிஃப் முகமது கான், தனது உரையில் குடியுரிமை திருத்த சட்டத்திற்கு எதிரான வாசகங்களை வாசிக்கப் போவதில்லை என்று அறிவித்திருந்தார். இதற்கு எதிராக ஐக்கிய ஜனநாயக முன்னனி எம்.எல்.ஏக்கள் கோஷம் எழுப்பி அமளியில் ஈடுபட்டனர்.

குடியுரிமை திருத்த சட்டம் குறித்து கேரள ஆளுநரின் நிலைப்பாட்டிற்கு அவர்கள் எதிர்ப்பு தெரிவித்தனர். கேரள ஆளுநரை திரும்ப பெற வலியுறுத்தி அவர்கள் கோஷங்கள் எழுப்பியதால் சட்டசபையில் சிறிது நேரம் பரபரப்பு ஏற்பட்டது.

இதனை தொடர்ந்து சட்டமன்ற காவலர்கள் உதவியோடு கேரள முதல்வர் பினராயி விஜயன், ஆளுநரை அவரது இருக்கைக்கு அழைத்துச் சென்றார். தொடர்ந்து ஆளுநருக்கு எதிராக கோஷங்களை எழுப்பிய எம்.எல்.ஏக்கள் சட்டசபையில் இருந்து வெளிநடப்பு செய்தனர்.

தினத்தந்தி

**பழ.முத்துராமலிங்கம்** · 27/09/2015

இந்தியாவை அகதிகள் முகாமாக ஆக்கினால் இவர்களுக்கு சந்தோஷம்
இங்கு தற்போது இருக்கும் ஜனத்தொகை கம்மியாக இருக்கிற மாதிரி நினைத்து கொண்டு
முஸ்லிம் அகதிகளுக்கு வாழ்விடம் அளிக்க வழியுருத்துகிறார்கள். அப்படி அளித்தால் வங்காளம், பாகிஸ்தான் மற்றும் ஆப்கானிஸ்தான் ஆகிய இடங்களிலிருந்து நிறைய பேர் இந்தியா நோக்கி வர வாய்ப்பு அதிகம் , இது பற்றி சிந்தித்தார்களா?

அடுத்து இந்தியாவில் இருக்கும் முஸ்லிம் மக்களுக்கு எந்த பிரச்சனை இல்லாத போது ஏன் இந்த கூப்பாடு ?

ஆளுநரை திரும்ப பெறக்கோரி கேரள சட்டசபையில் எம்.எல்.ஏக்கள் அமளி

ஆளுநரை திரும்ப பெறக்கோரி கேரள சட்டசபையில் எம்.எல்.ஏக்கள் அமளி

Re: ஆளுநரை திரும்ப பெறக்கோரி கேரள சட்டசபையில் எம்.எல்.ஏக்கள் அமளி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக