6 அடி உயர தக்காளி, 'மரம்'

by **ayyasamy ram** Wed 29 Jan 2020 - 7:12

பரமக்குடி :
ராமநாதபுரம் மாவட்டம், நெல்மடூரில் தக்காளிச்செடி
ஒன்று, மரம் போல வளர்ந்து காய்த்து உள்ளது.

ராமநாதபுரம் மாவட்டம், பார்த்திபனுார் ஒன்றியம்,
நெல்மடூரில் ராணி என்பவர் பெட்டிக்கடை நடத்தி
வருகிறார்.

கடைக்கு முன், கடந்த மாதம் தக்காளிச்செடி முளைத்து,
சில நாட்களில், 3 அடி உயரத்திற்கு மேல் வளர்ந்தது.
இரண்டு மாதங்களில், 6 அடிக்கு மேல் வளர்ந்து, காய்த்து
வருகிறது.

ராணி கூறுகையில், ''இந்தச் செடியில், இரண்டு, மூன்று
நாட்களுக்கு ஒரு முறை, அரை கிலோ முதல் ஒரு கிலோ
வரை தக்காளி பறித்து வருகிறோம்,'' என்றார்.

பரமக்குடி தோட்டக்கலை துறை அலுவலர் அனுசுயா,
''பொதுவாக, 2 அடி வரை மட்டுமே தக்காளிச் செடிகள்
வளரும். இந்த வகை செடிகள், ஓசூர் உள்ளிட்ட பகுதிகளில்
இருக்கின்றன. இங்கு வளர்ந்துள்ள செடி, கலப்பினமாக
இருக்கலாம்,'' என்றார்.

தினமலர்

Code:: பரமக்குடி தோட்டக்கலை துறை அலுவலர் அனுசுயா, ''பொதுவாக, 2 அடி வரை மட்டுமே தக்காளிச் செடிகள் வளரும். இந்த வகை செடிகள், ஓசூர் உள்ளிட்ட பகுதிகளில் இருக்கின்றன. இங்கு வளர்ந்துள்ள செடி, கலப்பினமாக இருக்கலாம்,'' என்றார்.

இந்த செடியிருந்து விதை எடுத்து இதே போல் அதிசய மரத்திலிருந்து தக்காளி பறிக்கலாம்.

by Guest Wed 29 Jan 2020 - 18:43

6 அடி உயர தக்காளி, 'மரம்' 201903091719059272_Wonderful-tomato-tree_SECVPF

இங்கு வளர்க்கப்படும் ‘ஆக்டோபஸ் தக்காளி’ காய்த்து குலுங்குவதை பார்த்தால், தக்காளி செடியில் காய்க்கிறதா? அல்லது மரத்தில் விளைகிறதா? என்ற சந்தேகம் வந்து விடும். ஏனெனில் கலப்பின முறையில் விளைவிக்கப்பட்டிருக்கும் இந்த தக்காளி மரம், 50 முதல் 60 சதுர மீட்டர் களுக்கு பரந்து விரிந்திருக்கிறது. ஒரு தண்டில் இருந்து பல கிளைகள் ஆக்டோபஸ் கைகள் போல படர்ந்திருக்கிறது. அதனால்தான் இந்த பெயரை சூட்டியிருக்கிறார்கள்.

சீனர்களின் சாதனையால் உருவாக்கப்பட்டிருக்கும் இந்த ஆக்டோபஸ் தக்காளி மரம் வளர்வதற்கு ஒன்றரை ஆண்டு ஆகி இருக்கிறது. முதல் 8 மாதங்கள் வரை இந்த மரம் காய்ப்பதில்லை. அதற்குப் பிறகு பூத்து, காய்க்க ஆரம்பித்தால் 14 ஆயிரம் தக்காளிகள் வரை அறுவடை செய்யலாம். தற்போது காட்சிக்கு வைக்கப்பட்டிருக்கும் இரண்டு தக்காளி மரங்களில் இருந்து 32 ஆயிரம் தக்காளிகள் பறிக்கப்பட்டிருக்கின்றன. அவற்றின் மொத்த எடை 522 கிலோ.

இது கின்னஸ் சாதனை புத்தகத்திலும் இடம்பெற்றுள்ளது.
(தினத்தந்தி)

by Sponsored content

6 அடி உயர தக்காளி, 'மரம்'

6 அடி உயர தக்காளி, 'மரம்'

Re: 6 அடி உயர தக்காளி, 'மரம்'

Re: 6 அடி உயர தக்காளி, 'மரம்'

Re: 6 அடி உயர தக்காளி, 'மரம்'