சைபர் கிரைம் (Cyber Crime) விழிப்புணர்வு

தொலைக்காட்சி/சினிமா ஒரு பக்கமாக குற்றங்களை அதிகரிக்கும் அதேசமயம் இணையம் மூலம் குற்றங்கள் விசுபரூபம் எடுத்து நிற்கிறது.இன்று தங்கத்தை விட அதிக வருமானம் தருவது தரவுகள் (Data) விற்பனையாகும். அதற்கடுத்து இணையக் குற்றங்கள் (cuber crime) அதிகரித்து வருகிறது.எச்சரிக்கையும் விழிப்புணர்வும் அடிக்கடி செய்யப்பட்டாலும் மாட்டிக் கொள்ளும் படித்த மக்கள்.

விழிப்புணர்வு வீடியோ
வங்கி ஒன்றில் இருந்து ஒரு பெண் அழைக்கிறார்.வங்கி அவரை அவுஸ்திரேலியாவுக்கு இலவச பயணம் ஏற்பாடு செய்துள்ளதாகவும் ஒருவரை அழைத்துச் செல்லலாம் எனவும் அழகாக சொல்லி அவரின் பான் அட்டை போன்ற விபரங்களை கேட்கிறார். அந்த விபரங்களை வைத்து வங்கியில் இருந்து அனைத்து பணத்தையும் எடுப்பதாக காணொலி சொல்கிறது.



இப்படியான சைபர் கிரைம் செயல்பாடுகள் அதிகரித்து வருகிறது.படித்தவர்கள் படிக்காதவர்கள் என்ற வேறுபாடு இல்லாமல் ,பைனான்ஸ் கம்பனியில் பணத்தை இழப்பதைப் போல் , எல்லாவற்றையும் இழந்து விடுகிறார்கள்.

CSAM மட்டுமல்லாது இணைய மூலம் செய்யப்படும் அனைத்து குற்றங்களும் சைபர் கிரைமில் வருகிறது.இந்தியாவில் CSAM உட்பட பாலியல் தேடல் (porn),ஆபாச படங்கள்/காணொலி பார்ப்பது /தேடுவது/பகிர்வது குற்றமாக கருதப்படுவதுடன் அப்படியான பல ஆபாச தளங்களை தடை செய்திருக்கிறது மத்திய அரசு.இருப்பினும் வேறு வழிகளில் இப்போதும் பயன்படுத்துவது கண்டு பிடிக்கப்படுகிறது. இந்தியா டைம்ஸ் தகவலின் படி, உலகில் இந்தியா 2018 இல் மூன்றாவது இடத்தைப் பிடித்திருந்தது.



ஆபாச தளங்களின் கதானாயகனாக இருக்கும் கனடாவைச் சேர்ந்த போர்ன் ஹப் தகவலின்படி, 2019 இல் இந்தியாவில் 33% பெண்களும் 67% ஆண்களும் பார்த்திருக்கிறார்கள் என்றும்,சென்ற ஆண்டை விட 3% அதிகம் என்றும் இவற்றில் 89% கைபேசி வழியாக பார்க்கப்பட்டதாகவும் சொல்லப்படுகிறது. இருப்பினும் மொத்த தேடல் சென்ற ஆண்டை விட 12% குறைந்துள்ளது.பல பக்கங்கள் தடைக்குள்ளானதால் மூன்றாம் இடத்தில் இருந்த இந்தியா இந்த ஆண்டு 12 வது இடத்துக்கு தள்ளப்பட்டது.



பாலியல் சம்பந்தமான ,சிறுவர் துன்புறுத்தல் (CSAM) படங்கள்/காணொலிகளை கண்டால் சைபர் கிரைமுக்கு தெரிவிப்பது.இப்படியான படங்கள்/காணொலி பகிர்வது IT Act 67/67a/67b பிரிவின்படி தண்டனைக்குரிய குற்றமாகும் என்கிறார்கள் சைபர் கிரைம் பிரிவினர்.

(சைபர் கிரைம் இந்தியா/ போர்ன் ஹப்)