அண்ணல் காந்தியடிகள் நினைவு நாள்: 30-1-1948

-
மகாத்மா காந்தி என்று அழைக்கப்படும் மோகன்தாஸ் காந்தி
1869-ஆம் ஆண்டு அக்டோபர் 2-ந் தேதி குஜராத் மாநிலம்
போர்ப்பந்தரில் கரம்சந்த் காந்தி-புத்லிபாய் தம்பதியருக்கு
மகனாக பிறந்தார்.

இந்தியாவின் விடுதலைக்காக வித்திட்ட முக்கியத்
தலைவர்களின் இவருடைய பெயர்தான் முதன்மையாக
உச்சரிக்கப்பட்டது. இந்திய விடுதலை போராட்டத்தை
வெற்றிகரமாக தலைமையேற்று நடத்தியதன் காரணமாக
இவர் ‘விடுதலை பெற்ற இந்தியாவின் தந்தை’ என
அனைவராலும் அழைக்கப்படுகிறார்.

சத்தியாக்கிரகம் என்றழைக்கப்பட்ட இவரது அறவழிப்
போராட்டம் இந்திய நாட்டு விடுதலைக்கு வழிவகுத்ததுடன்
மற்ற சில நாட்டு விடுதலை இயக்கங்களுக்கும் ஒரு
வழிகாட்டியாக அமைந்தது.

அகிம்சை முறையில் போராடிய மகாத்மா காந்தி 1948-ஆம்
ஆண்டு ஜனவரி மாதம் இதே நாளில் டில்லி பிர்லா மாளிகை
காந்தி சமிதி தோட்டத்தில் நாதுராம் கோட்ஸே ஆல் சுட்டுக்
கொலை செய்யப்பட்டார்.

இவரது பிறந்த நாள் இந்தியாவில் காந்தி ஜெயந்தி என்று
கொண்டாடப்படுகிறது. இவரது நினைவு நாளை தியாகிகள்
தினமாக போற்றுகின்றனர்.

இவரது தியாகத்தை போற்றி சிறப்பிக்கும் வகையில்
சென்னை கிண்டியில் காந்தி மண்டபம் மற்றும்
அருங்காட்சியகம் அமைந்துள்ளது. மதுரையில் இராணி
மங்கம்மாள் காலத்தில் அமைக்கப்பட்ட கட்டிடத்தில்
காந்தி அருங்காட்சியகம் செயல்பட்டு வருகிறது.

முக்கடலும் சங்கமிக்கும் கன்னியாகுமரி கரையில் காந்தி
நினைவு மண்டம் அமைந்துள்ளது.

மாலைமலர்