கடந்த 5 ஆண்டுகளில் 2200 மத்திய ஆயுதப்படை வீரர்கள் தற்கொலை

புதுதில்லி: கடந்த 2014 - 2018 ஆம் ஆண்டு வரையிலான விபத்துக்கள் மற்றும் தற்கொலையால் 2 ஆயிரத்து 200 மத்திய ஆயுதப்படை போலீஸார் உயிரிழந்துள்ளனர். இதுபோன்ற உயிரிழப்புகளின் புள்ளிவிவரங்கள் முந்தைய ஆண்டுகளைவிட குறைந்து வருவதாக தேசிய குற்ற ஆவணக் காப்பகம்(என்சிஆர்பி) வெளியிட்டுள்ள தகவல்களில் தெரியவந்துள்ளது.

எல்லை பாதுகாப்பு படை (பி.எஸ்.எஃப்), மத்திய ரிசர்வ் போலீஸ் படை (சி.ஆர்.பி.எஃப்), மத்திய தொழில்துறை பாதுகாப்பு படை (சி.ஐ.எஸ்.எஃப்), இந்தோ-திபெத்திய எல்லை போலீஸ் (ஐ.டி.பி.பி), சாஸ்த்ரா சீமா பால் (எஸ்.எஸ்.பி) ஆகிய ஐந்து பாதுகாப்பு படைகளில் இருந்து கிடைத்த தகவல்கள் அடிப்படையில் தேசிய குற்ற ஆவணக் காப்பாகம் இந்த அறிக்கையை வெளியிட்டுள்ளது.

முதன் முதலில் கடந்த 2014 ஆம் ஆண்டு தேசிய குற்ற ஆவணக் காப்பாகம், மத்திய பாதுகாப்புப் படையினர் தற்கொலைகள் குறித்த தகவல்களை சேகரித்து வெளியிட்டது. அப்போது, விபத்துகள் மூலம் 1,232 பேரும், தற்கொலைகள் மூலம் 175 பேரும் உயிரிழந்தனர்.

கடந்த 2018 ஆம் ஆண்டு சிஏபிஎப் பிரிவில் விபத்துக்கள் மூலம் 104 வீரர்களும், தற்கொலைகள் மூலம் 28 என 132 வீரர்கள் மட்டுமே உயிரிழந்துள்ளனர். கடந்த 5 ஆண்டுகளின் வீரர்களின் உயிரிழப்பு கனிசமாக குறைந்துள்ளது.

2018 ஆம் ஆண்டு ஜனவரி 1 ஆம் தேதி நிலவரப்படி சிஏபிஎப் அமைப்பில் 9 லட்சத்து 29 ஆயிரத்து 289 வீரர்கள் உள்ளனர்.
தீவிரவாத தாக்குதல், சதி முறியடிப்பு, என்கவுன்டர் போன்ற நிகழ்வுகள்போதும் வீரர்கள் உயிரிழந்துள்ளனர். இவற்றையும் விபத்துகள் என்ற அடிப்படையில் பட்டியலிடப்பட்டுள்ளது. 2018 இல் மட்டும் 31.7 சதவீதம் வீரர்கள் இதுபோன்ற விபத்துக்களால் உயிரிழந்துள்ளனர்.

அதைத் தொடர்ந்து சாலை மற்றும் ரயில் விபத்துக்கள் மூலம் 20.2 சதவீதம் பேரும், பிற காரணங்களால் 21.2 சதவீதம் பேரும் உயிரிழந்துள்ளனர்.

2018 ஆம் ஆண்டில் 'இயற்கையின் இடர்பாடுகள் காரணமாக 8 உயிரழப்புகள் நிகழ்ந்துள்ளன.

தற்கொலைக்கான காரணங்கள் குறித்த ஆய்வில், 28 தற்கொலைகளில் 35.7 சதவீதம் 'குடும்பப் பிரச்னைகளாலும், 17.9 சதவீத உயிரிழப்புகள் திருமணம் தொடர்பான பிரச்னைகள் மற்றும் பணிமாறுதல் தொடர்பான பிரச்னைகளால் நிகழ்ந்துள்ளன.

2018 ஆம் ஆண்டில் ஒட்டுமொத்தமாக, 1 லட்சத்து 34 ஆயிரத்து 516 தற்கொலைகள் பதிவாகியுள்ளன, இது 2017 உடன் ஒப்பிடும்போது 3.6 சதவீதம் அதிகரித்துள்ளது.

2017 ஆண்டுடன் ஒப்பிடுகையில் 0.3 சதவீதம் அதிகரித்துள்ளது என்று என்.சி.ஆர்.பி. அறிக்கையில் தெரிவித்துள்ளது.

விபத்து தொடர்பான இறப்புகளின் என்று கணக்கிடும்போது, 2017 -இல் 113 ஆகவும், 2016 -இல் 260 ஆகவும், 2015 -இல் 193 ஆகவும் இருந்தது. தற்கொலை தொடர்பான இறப்புகளின் என்று கணக்கிடும்போது, 2017 -இல் 60 ஆகவும், 2016 -இல் 74 ஆகவும், 2015 -இல் 60 ஆகவும் இருந்துள்ளது.

ஒட்டுமொத்தமாக, 2014 முதல் 2018 ஆம் ஆண்டு வரை சிஏபிஎஃப் வீரர்கள் 1,902 பேர் விபத்துக்களில் உயிரிழந்துள்ளனர். 397 பேர் தற்கொலைகள் மூலம் உயிரிழந்துள்ளனர். மொத்தத்தில் 2,199 பேர் உயிரிழந்துள்ளதாக தேசிய குற்ற ஆவணக் காப்பகம்(என்சிஆர்பி) வெளியிட்டுள்ள தகவல்களில் தெரியவந்துள்ளது.

தினமணி

Code:


ஒட்டுமொத்தமாக, 2014 முதல் 2018 ஆம் ஆண்டு வரை சிஏபிஎஃப் வீரர்கள் 1,902 பேர் விபத்துக்களில் உயிரிழந்துள்ளனர். 397 பேர் தற்கொலைகள் மூலம் உயிரிழந்துள்ளனர். மொத்தத்தில் 2,199 பேர் உயிரிழந்துள்ளதாக தேசிய குற்ற ஆவணக் காப்பகம்(என்சிஆர்பி) வெளியிட்டுள்ள தகவல்களில் தெரியவந்துள்ளது.



வருந்தக்கூடிய செய்தி