சூட்டிங் ஸ்பாட்டுக்கே வந்து டயலாக் எழுதினார் கருணாநிதி

தாமு · தாமு Mon Jan 04, 2010 5:19 am

முதல்வர் கருணாநிதி கதை - வசனத்தில் உருவாகி வரும் புதிய படம் பெண் சிங்கம். பாலி ஸ்ரீரங்கம் இயக்கி வரும் இந்த படத்தின் சூட்டிங் தற்போது சென்னை ஏவி.எம். ஸ்டூடியோவில் நடந்து வருகிறது.

கோர்ட்டில் நடக்கும் காரசார வாக்குவாதத்தை படமாக்குவதற்காக படக்குழுவினர் இன்று காலையிலேயே ஸ்டூடியோவுக்கு வந்திருந்தனர். வக்கீல் கேரக்டரில் நடிப்பதற்காக ஜே.கே.ரித்தீஷ் எம்.பி., வந்தார். இந்நிலையில் முதல்வர் கருணாநிதியும் திடீரென ஸ்பாட்டுக்கு வந்தார்.
கோர்ட்டில் நடைபெறும் வழக்கு விசாரணையில் ஜே.கே.ரித்தீஷூம், ரோஹிணியும் வாதிடுவது போன்ற காட்சி படமாக்கப்பட்டது. முதல்வர் கருணாநிதி, ஸ்பாட்டிலேயே வசனம் எழுதிக் கொடுத்து ஜே.கே.ரித்தீஷை நடிக்க வைத்தார். ரித்தீஷூம் ஒரே டேக்கில் ஓ.கே. வாங்கி விட்டார்.
நீதிமன்றத்தில் பாசத்துக்கு இடமில்லை. சாட்சிகள் மட்டுமே பேசும் என்ற மையக்கருவுடன் கோர்ட் காட்சிகள் படமாக்கப்பட்டன. முதல்வர் கருணாநிதியே ‌நேரில் வந்து டயலாக் எழுதிக் கொடுத்து, ரித்தீஷூக்கு நடிக்கவும் சொல்லிக் கொடுத்ததால் பெண் சிங்கம் படக்குழுவினர் ரொம்பவே பரபரப்பாக இயங்கினார்கள்.