மகளிர் டி20 உலகக் கோப்பை: 15 பேர் கொண்ட இந்திய அணி அறிவிப்பு

by **ayyasamy ram** Sun Jan 12, 2020 4:01 pm

-
harmanpreet_mandhana
--
ஆஸ்திரேலியாவில் பிப்ரவரி மாதம் நடைபெறவுள்ள
மகளிர் டி20 கிரிக்கெட் உலகக் கோப்பைக்கான
ஹர்மான்பிரீத் தலைமையிலான 15 பேர் கொண்ட
இந்திய அணி ஞாயிற்றுக்கிழமை அறிவிக்கப்பட்டது.

பிப்ரவரி 21-ஆம் தேதி ஆஸ்திரேலியாவுக்கு எதிராக
சிட்னி கிரிக்கெட் மைதானத்தில் தனது முதல் போட்டியில்
இந்திய அணி விளையாடவுள்ளது. பின்னர் வங்கதேசம்,
நியூஸிலாந்து மற்றும் இலங்கை ஆகிய அணிகளுடன்
லீக் போட்டிகளில் பங்கேற்கிறது.

ஒவ்வொரு பிரிவிலும் முதல் 2 இடங்களைப் பிடிக்கும்
அணிகள் அரையிறுதிக்கு முன்னேறும். மகளிர் டி20
உலகக் கோப்பை இறுதிப்போட்டி மெல்போர்ன் கிரிக்கெட்
மைதானத்தில் மார்ச் 08-ஆம் தேதி நடைபெறுகிறது.

இந்நிலையில், ஹர்மான்பிரீத் கௌர் தலைமையிலான
15 பேர் கொண்ட இந்திய அணி அறிவிக்கப்பட்டது.
அதன் விவரம் பின்வருமாறு:

ஹர்மான்பிரீத் கௌர் (கேப்டன்), ஸ்மிருதி மந்தானா,
ஷாஃபிலி வெர்மா, ஜெமிமா ராட்ரிகுஸ், ஹர்லீன் தியோல்,
தீப்தி ஷர்மா, வேதா கிருஷ்ணமூர்த்தி, ரிச்சா கோஷ்,
தானியா பாட்டியா, பூனம் யாதவ், ராதா யாதவ்,
ராஜேஸ்வரி கெய்க்வாட், ஷிகா பாண்டே, பூஜா வஸ்திராகர்,
அருந்ததி ரெட்டி.

முன்னதாக, ஆஸ்திரேலியா மற்றும் இங்கிலாந்து
அணிகளுடான முத்தரப்பு ஒருநாள் தொடரில் ஜனவரி 31-ஆம்
தேதி தொடங்கி நடைபெறவுள்ளது.

அதில் பங்கேற்கும் 16 பேர் கொண்ட இந்திய அணியும்
அறிவிக்கப்பட்டுள்ளது. அணி விவரம் பின்வருமாறு:

ஹர்மான்பிரீத் கௌர் (கேப்டன்), ஸ்மிருதி மந்தானா,
ஷாஃபிலி வெர்மா, ஜெமிமா ராட்ரிகுஸ், ஹர்லீன் தியோல்,
தீப்தி ஷர்மா, வேதா கிருஷ்ணமூர்த்தி, ரிச்சா கோஷ்,
தானியா பாட்டியா, பூனம் யாதவ், ராதா யாதவ், ராஜேஸ்வரி
கெய்க்வாட், ஷிகா பாண்டே, பூஜா வஸ்திராகர்,
அருந்ததி ரெட்டி, நுஸத் பர்வீன்.

தினமணி