Latest topics

தமிழகத்தில் 10 ஆயிரம் கி.மீ. பயணிக்கும் ஆதியோகி ரத யாத்திரை

ஈகரை தமிழ் களஞ்சியம் :: ஆன்மீகம் :: இந்து

Page 1 of 1

தமிழகத்தில் 10 ஆயிரம் கி.மீ. பயணிக்கும் ஆதியோகி ரத யாத்திரை

Post by ayyasamy ram Fri 10 Jan 2020, 19:04

தமிழகத்தில் 10 ஆயிரம் கி.மீ. பயணிக்கும் ஆதியோகி ரத யாத்திரை 202001101452117007_1_rat-yatra1._L_styvpf

-
கோவை:

ஈஷா யோகா மையம் சார்பில் கோவை வெள்ளியங்கிரி
மலையடிவாரத்தில் 112 அடியில் ஆதியோகியின்
மார்பளவு திருவுருவம் 2017-ம் ஆண்டு பிரதிஷ்டை
செய்யப்பட்டது.

இதையடுத்து, ஆதியோகியை தரிசித்து அவரின் அருளை
பெறுவதற்காக தமிழகம் மட்டுமின்றி உலகம் முழுவதும்
இருந்து ஆயிரக்கணக்கான மக்கள் தினமும் வருகை
தருகின்றனர்.

இந்நிலையில், கோவையில் செயல்படும் தென் கயிலாய
பக்தி பேரவை சார்பில் மஹாசிவராத்திரியை முன்னிட்டு
ஆண்டுதோறும் ஆதியோகி ரத யாத்திரை நடத்தப்பட்டு
வருகிறது.

குறிப்பாக, கோவைக்கு வந்து ஆதியோகியை தரிசிக்க
இயலாமல் இருக்கும் மக்கள் தங்கள் ஊர்களிலேயே அவரை
தரிசிப்பதற்கு இந்த யாத்திரை வாய்ப்பளிக்கிறது.

ரத யாத்திரை தொடக்கம்

அதன்படி, 7 அடி உயரமுள்ள ஆதியோகி திருவுருவத்துடன்
கூடிய 4 ரதங்கள் கோவையில் உள்ள 112 அடி ஆதியோகியில்
இருந்து ஜனவரி 1-ம் தேதி புறப்பட்டன.

இந்த ரதங்கள் தமிழகத்தின் 4 திசைகளிலும் பயணித்து
அனைத்து மாவட்டங்களுக்கும் செல்ல உள்ளன. ஒவ்வொரு
மாவட்டத்திலும் பொதுமக்கள் அதிகம் கூடும் இடங்களில்
ரதம் நிறுத்தப்படும். அந்தந்த ஊர்களில் பொதுமக்கள்
சிறப்பான வரவேற்பு அளிக்க உள்ளனர்.

ஒவ்வொரு ரதமும் பிப்ரவரி 20-ம் தேதி வரை சுமார்
2,500 கி.மீ என்ற கணக்கில் சுமார் 10 ஆயிரம் கி.மீ பயணிக்க
உள்ளன. பின்னர், இந்த 4 ரதங்களும் மஹாசிவராத்திரி
நாளன்று (பிப்ரவரி 21) மீண்டும் கோவை வந்தடையும்.
-
மாலைமலர்

ayyasamy ram: வழிநடத்துனர்; பதிவுகள் : 84602
இணைந்தது : 30/09/2013