இன்றைய தலைப்பு செய்திகள் சில...

ஐயாசாமி ராம் சாரைக் காணவில்லை.படித்த தலைப்புச் செய்திகள் சில .

*ஓ.பி.எஸ் / ஸ்டாலினுக்கு இசட் ப்லஸ் பாதுகாப்பு இரத்து.

*கீழடி அகழாய்வு முடிவுகள் தமிழ், ஆங்கிலம், சமஸ்கிருதம், இந்தி என 24 மொழிகளில் வெளியிட்டுள்ளார்கள். தமிழ் மற்றும் ஆங்கில பதிப்புகள் ரூ.50க்கும் மற்ற மொழி பதிப்புகள் ரூ.200க்கும் விற்பனைக்கு வைக்கப்பட்டுள்ளது.

*நாட்டிலே, தமிழ்நாட்டில்தான் முதியவர்களுக்குப் பாதுகாப்பு இல்லை!நாட்டில் 2018ஆம் நிகழ்ந்த விபத்துகள், குற்றச் சம்பவங்கள், மோதல்கள், பாலியல் வன்கொடுமைகள் என பல்வேறு விவகாரங்கள் தொடர்பாகத் தேசிய குற்றவியல் ஆவணக் காப்பகம் தரவுகளை வெளியிட்டுள்ளது. இதில் அதிகளவில் முதியவர்கள் கொலை நடக்கும் மாநிலமாகத் தமிழ்நாடு இருப்பதாகத் தெரிவிக்கப்பட்டுள்ளது.

*நேற்று /இன்றைய பிரிட்டனின் பேசும் பொருள் ஹரி-மேகன் அரச குடும்பத்தில் இருந்து விலகல்.

இங்கிலாந்தின் அரச குடும்பம் என்றாலே உலக அளவில் தனி மரியாதை உண்டு. அந்த நாட்டு அரசு எடுக்கும் முடிவுகளில் அரச குடும்பத்தின் முக்கிய பங்கு இருக்கும். அரச குடும்ப உறுப்பினர்கள் அனைவரும் அரசின் ஓர் அங்கமாக பார்க்கப்படுகிறார்கள். இந்த நிலையில் அரச குடும்பத்தின் மூத்த உறுப்பினர்கள் என்ற பொறுப்பில் இருந்து விலகுவதாக இளவரசர் ஹாரி, இளவரசி மேகன் தம்பதி அறிவித்துள்ளனர்.

இவர்கள் அதிக வருமானத்தை பெறுகிறார்கள்.எங்கிருந்து?
ஹாரி-மேகன் தம்பதியின் இந்த முடிவு அவர்களுக்கும் அரச குடும்பத்துக்கும் இடையிலான மிகப்பெரிய பிளவாக பார்க்கப்படுகிறது. அவர்களின் இந்த முடிவு பல்வேறு கேள்விகளை எழுப்பி உள்ளது.அவர்களின் புதிய பங்கு என்னவாக இருக்கும்? அவர்கள் எங்கு வாழ்வார்கள், அதற்கு யார் பணம் கொடுப்பார்கள்? இனி அரச குடும்பத்துடன் அவர்களுக்கு என்ன உறவு இருக்கும்? போன்ற கேள்விகளுக்கு விடையில்லை.

ஆவதும் பெண்ணாலே தீயவை அழிவதும் பெண்ணாலே



*உக்ரைன் விமானத்தை சுட்டு வீழ்த்தி 176 உயிரிழப்பிற்குக் காரணம் ஈரான் தான். அமெரிக்கா சுட்டு வீழ்த்தியது என்றும்,தொழில் நுட்ப கோளாறினால் விழுந்து நொருங்கியது என்றும் வந்த செய்திகளை பொய்யாக்கிய காணொலி ஆதாரம்.
(இணையம்)