மனைவியை கணவன் அடிக்கலாம்

ஸ்ரீநகர் : மனைவியை அடிக்க கணவனுக்கு முழு சுதந்திரம் உள்ளதாம்; ஆம்,ஜம்மு காஷ்மீர் மாநிலத்தை சேர்ந்த பெண்கள் இப்படி வித்தியாசமாக கருத்து தெரிவித்துள்ளனர்.


தேசிய குடும்ப நல மையம் ஒன்று, நடத்திய ஆய்வில், ஜம்மு காஷ்மீர் மாநிலத்தைச் சேர்ந்த பெண்களில், 64 சதவீதத்தினர், கணவன், மனைவியை அடிப்பது நியாயமே என்று கருத்து தெரிவித்துள்ளனர்.இதுதொடர்பாக, நாடு முழுவதும் நடத்தப்பட்ட, ஆய்வு தகவல் கடந்த 2007ம் ஆண்டு வெளியிடப்பட்டது. இந்த ஆய்வு தகவலை மாநில வாரியாக, மத்திய குடும்ப நல அமைச்சகம், கவனித்து வந்தது. இதில், ஜம்மு காஷ்மீர் மாநிலம் குறித்த தகவலை இப்போது வெளியிட்டுள்ளது.அதில்,"கணவன் வீட்டாரை மனைவி மதிக்காமல் நடந்தால், அவர்களை கணவன் அடிப்பது நியாயம் என 50 சதவீதம் பெண்களும், வீடு மற்றும் குழந்தைகளை புறக்கணித்தால், அவர்களை அடிப்பது நியாயம் என 48 சதவீதம் பெண்களும் கருத்து தெரிவித்துள்ளதாக' கூறப்பட்டுள்ளது.


இதுகுறித்து, சமூக நிபுணர்கள் கூறுகையில்,"இந்தியாவில் கணவன் மனைவியை அடிப்பதை பெண்கள் ஏற்றுக் கொள்வதற்கு, குறைந்த கல்வியறிவு உட்பட பல்வேறு சமூக பொருளாதார நிலையே காரணம்' என்றனர்.இதுகுறித்து, கல்வியாளர் ஏ.ஜி.மாதோஷ் கூறுகையில்,"காஷ்மீர் பெண்கள் மத்தியில் அதிகளவு பாதுகாப்பின்மை நிலவுகிறது. கணவன் மனைவியை அடிப்பது சரியே என பெண்கள் கருதுவதற்கு, கல்வியறிவின்மை மற்றும் வறுமை ஆகிய இரண்டும் முக்கிய காரணங்களாக அமைகின்றன' என்றார்.


கடந்த 2001ம் ஆண்டு மக்கள் தொகை கணக்கெடுப்பின் படி, ஜம்மு காஷ்மீர் மாநிலத்தில், மொத்தம் 55.5 சதவீதம் மட்டுமே கல்வியறிவு பெற்றவர்கள். சுகாதாரம் தொடர்பான ஆய்விற்காக, ஜம்மு காஷ்மீர் மாநிலத்தைச்சேர்ந்த 2,415 குடும்பங்களிடம் ஆய்வு நடத்தப்பட்டது. இதில், 15 வயது முதல் 49 வயது வரையிலான 3,281 பெண்கள் மற்றும் 15 வயது முதல் 54 வயது வரையிலான 1,076 ஆண்களிடம் கேள்வி கேட்கப்பட்டது. இந்த ஆய்வில், கணவன், மனைவியை அடிப்பது நியாயமே என ஜம்மு காஷ்மீர் மாநில ஆண்களும், அதிகளவில் கருத்து தெரிவித்துள்ளனர்.





நன்றி : தினமலர்





குறிப்பு : மனைவியை கணவன் அடிக்கலாம் இப்படி சொன்னது காஷ்மிர் பெண்கள்தான் , அதனால் நீங்கள் யாரும் முயற்சி செய்து, அதனால் எற்பாடும் விளைவுகளுக்கு நாங்கள் பொருப்பல்ல

அண்ணா இதுக்காக உங்க மனைவியை அடிச்சுராதீங்க பாவம் அண்ணி

Manik wrote:அண்ணா இதுக்காக உங்க மனைவியை அடிச்சுராதீங்க பாவம் அண்ணி

சிங்கம் , கீழே உள்ள குறிப்ப படிக்கலையா தம்பி

புகை உடலுக்கு கெடுதல்னு எல்லா சிகரெட் பாக்கெட்லயும் இருக்கு ஆனால் குடிக்காம இருக்காங்களா மக்கள் அது போல் இந்த தகவலை சொல்லிட்டு மேற்கொண்டு அடிக்கிறவர்கள் எத்தனை பேர் அதனால் தான் அண்ணியை அடிக்காதீங்கனு சொன்னேன்

Manik wrote:புகை உடலுக்கு கெடுதல்னு எல்லா சிகரெட் பாக்கெட்லயும் இருக்கு ஆனால் குடிக்காம இருக்காங்களா மக்கள் அது போல் இந்த தகவலை சொல்லிட்டு மேற்கொண்டு அடிக்கிறவர்கள் எத்தனை பேர் அதனால் தான் அண்ணியை அடிக்காதீங்கனு சொன்னேன்

அஹா , தம்பிக்கு இன்னா அறிவு.

உங்க தம்பியாச்சே இது கூட இருக்காதா