சர்க்கரைக்கும் வியாதிக்கும் சம்பந்தம் உண்டா?

நம்ம வீட்டுல தீபாவளிக்கு என்ன பண்ணியிருக்கே?

ஸ்வீட் பண்ணியிருக்கேன். இந்தாங்க, சாப்பிடுங்க!

சர்க்கரை சமாச்சாரமே எனக்கு வேண்டாம்!

ஏன்?

சர்க்கரை வியாதி வந்துட்டா என்ன பண்றது?

சர்க்கரை அதிகமா சாப்பிட்டா உடனே சர்க்கரை வியாதி வந்துடும்னு நினைக்கிறது ஒரு தப்பான அபிப்பிராயமாம்!

அப்படியா?

ஆமாம்! சர்க்கரைக்கும், வியாதிகளுக்கும் உள்ள சம்பந்தம் என்னங்கறதைப் பத்தி அமெரிக்காவுலேயும், இங்கிலாந்திலேயும் சில ஆராய்ச்சிகள்லாம் நடந்திருக்கு! அதோட முடிவு என்ன தெரியுமா?

என்ன?

சர்க்கரை சாப்பிடறதுக்கும், கடுமையான நோய்களுக்கும் உண்டுன்னு சொல்றதுக்கு போதுமான ஆதாரம் இல்லையாம்! பல் சிதைவுக்கும் சர்க்கரைக்கும் மட்டும் சம்பந்தம் இருக்குதாம். மத்தபடி வேறே ஒண்ணுமில்லையாம்!

அப்படின்னா சர்க்கரை வியாதிக்காரங்க.. சர்க்கரை சாப்பிடக் கூடாதுன்னு டாக்டர்கள் சொல்றாங்களே அது எப்படி?

ஏற்கனவே அவங்க உடம்பாலே, சர்க்கரையை திறமையான முறையிலே உபயோகப்படுத்திக்க முடியலே! அப்படி இருகறப்போ அதிகப்படியா சர்க்கரை சாப்பிட்டா அது அவங்க உடம்புக்கு அதிகப்படியான வேலைதானே! அதனாலேதான் வேணாம்ங்கறாங்க!

அப்படின்னா, சாதாரணமா இருக்கறவங்க சர்க்கரை அதிகமா சாப்பிடறதுனாலே சர்க்கரை வியாதி வந்துடாதுங்கறீயா?

வந்துடும்ன்னு சொல்றதுக்கு விஞ்ஞான ரீதியா ஆதாரம்எதுவும் இல்லே!

அப்படின்னா கொண்டா! சாப்பிடறேன்! என்ன ஸ்வீட்?

மைசூர்பாகு! ரவா லாடு!

எனக்கு ஒரு சந்தேகம்!

ரவா லாடுன்னு சொன்னா அதுலே ரவா இருக்கு! மைசூர் பாகுன்னு சொன்னா அதுலே மைசூர் இருக்கறதில்லையே! என்னுடைய பிரியமான சம்சாரம்ங்கற முறையிலே இதுக்கு என்ன சொல்றே?

பேர்லே இருக்கறது நிஜமாவே இருக்கணும்ங்கற அவசியம் இல்லையே!

எப்படி சொல்றே?

இப்ப உதாரணத்துக்கு உங்களையே எடுத்துக்குவோமே! உங்க பேரு என்ன?

அறிவரசன்!

?????