மாநில முதல்வர்களுக்கு பினராயி விஜயன் கடிதம்

திருவனந்தபுரம் : குடியுரிமை சட்ட திருத்தத்துக்கு எதிராக
ஒன்றிணையுமாறு 11 மாநில முதல்வர்களுக்கு, கேரள முதல்வர்
பினராயி விஜயன் கடிதம் எழுதியுள்ளார்.


-
கேரள முதல்வர் பினராயி விஜயன் இன்று (ஜன.,3) குடியுரிமை திருத்த சட்டம் (சி.ஏ.ஏ) ரத்து செய்வது தொடர்பாக 11 மாநில முதல்வர்களுக்கு கடிதம் எழுதியுள்ளார். அந்த கடிதத்தில், குடியுரிமை சட்டத்தால் சமூகத்தினரிடையே பல்வேறு கருத்துக்கள் நிலவி வருகின்றன. ஜனநாயகம் மற்றும் மதச்சார்பின்மையைப் பாதுகாக்க விரும்பும் அனைத்து இந்தியர்களிடையேயும் ஒற்றுமையே என்பது தேவை. என கூறியிருந்தார்.

கேரளாவில் டிச.,31 ல் சட்டமன்றத்தில் நிறைவேற்றிய தீர்மானத்தில், குடியுரிமை திருத்த சட்டத்தை ரத்து செய்யுமாறும், அது மதச்சார்பற்ற சான்றுகளில் தாக்கத்தை ஏற்படுத்தும் என்றும் கூறப்பட்டது. குடியுரிமை சட்டத்துக்கு 11 மாநிலங்கள் உட்பட பல முதல்வர்களும் எதிர்ப்பு தெரிவிக்கின்றனர். இந்த விஷயத்தில் குடியுரிமை சட்டத்தை மாநிலத்தில் அமல்படுத்தமாட்டேன் என்பதில் மேற்கு வங்க முதல்வர் மம்தா பானர்ஜி உறுதியாக இருக்கிறார். இது தொடர்பாக இன்று சிலிகுரியில் பேரணி நடந்தது.


-
இதில் மம்தா பேசுகையில், குடியுரிமை சட்டத்துக்கு எதிராக மாநிலங்கள் ஒன்றிணைய வேண்டும். "நான் குடிமக்களின் தேசிய பதிவு மற்றும் குடியுரிமை சட்டத்துக்கு எதிராக போராடுகிறேன், என்னுடன் கைகோருங்கள். எங்கள் ஜனநாயகத்தை காப்பாற்ற அனைத்து மக்களும் முன்வருமாறு நான் கேட்டுக்கொள்கிறேன். இவ்வாறு கூறினார்.


மேலும் ஆளும் முண்ணனி மற்றும் எதிர்க்கட்சிகள் இரண்டுமே ஆதரித்து அத்தகைய தீர்மானத்தை முதலில் நிறைவேற்றிய மாநிலமாக கேரளா உள்ளது. தீர்மானத்தை நிறைவேற்றிய பின்னர், மத்திய அமைச்சர், ரவி சங்கர் பிரசாத், கேரள அரசிற்கு எதிர்ப்பு தெரிவித்தார். முதல்வர் விஜயன், சிறந்த சட்ட ஆலோசனையை பெற வேண்டும். என்றார்.

'குடியுரிமை திருத்தச் சட்டத்தால், கேரளாவுக்கு எந்த பிரச்னையும் இல்லை. அப்படி இருக்கும் எதற்கு அதை பிரச்னையாக்குகின்றனர்,'' என, கேரள மாநில கவர்னர் ஆரிப் முகமது கான் கூறியுள்ளார்.

தினமலர்