அமேசான், பிளிப்கார்ட்டுக்கு போட்டியாக களம் இறங்கிய ஜியோ மார்ட்

**ayyasamy ram** · **ayyasamy ram** Fri Jan 03, 2020 9:23 am

மும்பை,

அமேசான், பிளிப்கார்ட் போன்ற இணைய வர்த்தக நிறுவனங்கள்
இந்தியாவில், இணைய வழியிலான சில்லறை வணிகத்தில்
ஆதிக்கம் செலுத்தி வருகின்றன.

தொலைத்தொடர்பு உள்ளிட்ட பல துறைகளில் ஜாம்பவானாக
திகழும் ரிலையன்ஸ் இன்டஸ்டீரீஸ் நிறுவனம் (RIL) இணைய
வர்த்தகத்தில் ஈடுபட இருப்பதாக. அந்த நிறுவனத்தின்
42-வது ஆண்டு பொதுக்குழுவில் அதன் தலைவர் முகேஷ் அம்பானி
அறிவித்து இருந்தார்.

ஏற்கனவே, சில்லறை வர்த்தகத்தில் கால் பதித்துள்ள ரிலையன்ஸ்
பிரஷ், ரிலையன்ஸ் ரீட்டெய்ல் நிறுவனம் ஆன்லைன்
விற்பனையிலும் களம் இறங்குவதாக அறிவித்தது வாடிக்கையாளர்களுக்கு
பெரும் எதிர்பார்ப்பை ஏற்படுத்தியிருந்தது.

இந்த நிலையில், சோதனை அடிப்படையில் ஜியோ மார்ட் மராட்டிய
மாநிலம் நவி மும்பை, தானே, கல்யாண் பகுதிகளில் தனது சேவையை
துவங்கியுள்ளது.

படிப்படியாக நாடு முழுவதும் ஜியோ மார்ட் விரிவாக்கப்படும்
என்று ரிலையன்ஸ் ரீட்டெய்ல்ஸ் அறிவித்துள்ளது.

ஏற்கனவே, தொலைத்தொடர்பு துறையில் ஜியோ நிறுவனத்தின்
சூறாவளியில் சிக்கிய முன்னணி நிறுவனங்கள் தடுமாற்றத்தை
சந்தித்தன. தற்போது, ரிலையன்ஸ் ஜியோ மார்ட் மூலம் என்ன
நடக்கப்போகிறதோ, என்ன என்ன சலுகைகள் கிடைக்கப்போகிறதோ
என்பதே பலரின் எதிர்பார்ப்பாக உள்ளது.

ரிலையன்ஸ் ஜியோ வாடிக்கையாளர்களுக்கு ஜியோ மார்ட்டில்,
சலுகைகளை பெற முன்பதிவு செய்யுமாறு ரிலையன்ஸ் ரீட்டெய்ல்
நிறுவனம் அழைப்பு விடுத்துள்ளதாக தகவல்கள் வெளியாகியுள்ளன.

தினத்தந்தி

அமேசான், பிளிப்கார்ட்டுக்கு போட்டியாக களம் இறங்கிய ஜியோ மார்ட்

அமேசான், பிளிப்கார்ட்டுக்கு போட்டியாக களம் இறங்கிய ஜியோ மார்ட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக