அனைத்து காரியங்களையும் நம்பிக்கை என்ற சக்தியால் சாதிக்கலாம்

நமது மூளைக்குள் புதைந்து கிடக்கும் சக்தியை
வெளிக் கொணரும் ஆற்றல் நம்பிக்கைக்கு உண்டு
==================================
            சாதனைக்கான ஆதார சக்தி நமக்குள்ளே
எங்கோ நீறு பூத்த நெருப்பாய் மறைந்துள்ளது. அதை
ஊதி கொழுந்து விட்டு எரியச் செய்தால், நாம்
கொஞ்சமும் நினைத்துப் பார்த்திருக்க முடியாத
சிகரத்திற்கு நம்மை அழைத்துச் செல்லும்.
நமக்கு சிம்மாசனம் அமைத்துக் கொடுக்கும்.

              வயலின் தந்தியை லாவகமாக மீட்டி அற்புதமான
இசையை ஒரு இசைமேதை பொழிய வைப்பது போல
நமது மூளையில் முடங்கிக் கிடக்கும் அபார சக்தியைத்
தட்டி எழுப்பி நாம் நினைப்பதைச் சாதிக்க முடியும்.
அந்த சக்திதான் நம் உயர்வுக்கு உந்து சக்தி.

              ஆப்ரஹாம் லிங்கன் 40 வயதைத் தாண்டிய பிறகும்,
அவர் தொட்டதெல்லாம் தோல்விதான். அவர் வாழ்க்கையில்
ஏற்பட்ட ஒரு அபாரமான அனுபவம் அவர் நெஞ்சுக்குள்ளும்,
மூளைக்குள்ளும் முடங்கிக் கிடந்த அந்த மேதையைக் கிளர்ந்து
எழச் செய்தது

அதுவரை முகவரி இல்லாத ஆசாமியாக இருந்த அவரை அந்த
அனுபவம்தான் மகத்தான மனிதராக மாற்றியது. துயரமும்,
காதலும் இணைந்த உணர்ச்சிக் கலவை, அந்த அனுபவம்.
லிங்கனின் உயிருக்குயிரான காதல் மனைவி ஆன் ரட்லட்ஜ்
மூலம் கிடைத்த அனுபவம்.

            நம்பிக்கை மனோபாவமும், காதல் உணர்ச்சியும்
ஒரே மாதிரியானவை. ஒருவரின் எண்ணக் கீற்றை தெய்வீக
வரமாக மாற்றும் சக்தி உடையது காதல். அபார சாதனைகள்
புரிந்த பெரும்பாலானவர்களின் வாழ்வை ஆராய்ந்தால்,
'ஒவ்வொருவரின் வெற்றிக்குப் பின்னணியில் ஒரு பெண்ணின்
காதல் பக்க பலமாக இருக்கும்.'

            நம்பிக்கையின் சக்திக்கு சான்று பார்க்க விரும்பினால்,
அதைப் பயன்படுத்தி வெற்றிப் பெற்ற சாதனையாளர்களின்
வாழ்க்கையைப் படிக்கலாம்.

          நம்பிக்கையின் பலத்தால் எப்படியெல்லாம் சாதிக்க
முடியும் என்பதை நிரூபித்துக் காட்டி பெரும் புகழ் பெற்றவர்
மகாத்மா காந்தி.

உலகிற்கு ஒரு அதிசயமான உதாரணம் இந்த விந்தை மனிதர்.
அவர் காலத்தில் வாழ்ந்தவர்களில் அதிக சக்தி படைத்தவர்
இவர்தான். இத்தனைக்கும் இவரிடம் அதிகாரத்தின்
அம்சங்களான பணபலமோ, படைபலமோ இவரிடம் இல்லை.
தன்னுடையது என்று சொல்லிக் கொள்ள வீடு கிடையாது.
உடை கிடையாது. ஆனால் அவரிடம் அதிகாரம் இருந்தது.

               நம்பிக்கைக் கோட்பாட்டைச் சரிவர புரிந்துக்
கொண்டதால் அதிகாரச் சக்தியை அவர் உருவாக்கிக் கொண்டார்.
சுதந்திரம் அடைவோம் என்ற நம்பிக்கையை பல கோடி மக்களின்
மனதில் துளிர்விடச் செய்த சாதனையால், மகாத்மாவிற்கு அதிகார
சக்திக் கிடைத்தது.

           நடக்க இயலா அனைத்து காரியங்களையும் நம்பிக்கை
என்ற சக்தியால் சாதித்துக் காட்ட முடியும்.
-----------------------------
            இவண் : புகழ் உஷா.