பாரதிராஜா இயக்கத்தில் - வெப் தொடராகும் ‘குற்றப்பரம்பரை’

பாரதிராஜாவின் கனவு திரைப்படம் குற்றப்பரம்பரை.
மணிரத்னம் உள்ளிட்ட முன்னணி இயக்குனர்களை வைத்து
இந்த படத்துக்கான பூஜையை சில வருடங்களுக்கு முன்பு
உசிலம்பட்டி அருகே நடத்தினார்.

நடிகர், நடிகைகளை தேர்வு செய்து படப்பிடிப்பை
தொடங்குவதற்கான ஏற்பாடுகளையும் செய்தார்.

ஆனால் பாலாவும் குற்றப்பரம்பரை கதையை படமாக எடுக்க
தயாரானார். இதனால் பாரதிராஜாவுக்கும், பாலாவுக்கும் மோதல்
ஏற்பட்டது. அதன்பிறகு படப்பிடிப்பை பாரதிராஜா தொடங்கவில்லை.
படத்தை அவர் கைவிட்டு விட்டதாக பேசப்பட்டது. இந்த நிலையில்
குற்றப்பரம்பரை கதையை வெப் தொடராக எடுக்க பாரதிராஜா
முடிவு செய்துள்ளார்.

இந்த தொடரில் அவரே முக்கிய கதாபாத்திரத்தில் நடித்து
இயக்குகிறார். வி ஹவுஸ் பட நிறுவனம் சார்பில் சுரேஷ் காமாட்சி
தயாரிக்கிறார். இவர் சிம்பு நடிக்கும் மாநாடு படத்தை தயாரித்து
வருகிறார் என்பது குறிப்பிடத்தக்கது.

குற்றப்பரம்பரை தொடரில் நடிக்கும் இதர நடிகர் நடிகைகள் தேர்வு
நடக்கிறது. படப்பிடிப்பை விரைவில் தொடங்க திட்டமிட்டுள்ளனர்.

வெப் தொடர்களுக்கு வரவேற்பு உள்ளதால் முன்னணி நடிகர்-
நடிகைகள் இணையதள தொடர்களில் நடிக்க வந்துள்ளனர்.
ஜெயலலிதா வாழ்க்கையை மையமாக வைத்து வெளியான குயின்
வெப் தொடரில் ரம்யாகிருஷ்ணன், சோனியா அகர்வால் நடித்துள்ளனர்.

காஜல் அகர்வால், தமன்னா, மீனா, சமந்தா, நித்யாமேனன்,
பிரியா பவானி சங்கர், பிரியாமணி ஆகியோரும் வெப் தொடர்களில்
நடிக்கின்றனர்.

தாமிரா இயக்கும் வெப் தொடரில் சத்யராஜ், சீதா, சுகன்யா ஆகியோர்
நடிக்கிறார்கள்.

தினத்தந்தி