ஐமுகமுழவு/குடமுழா - தோற்கருவி

மிகப் பெரிய பானை வடிவில் உள்ள ஐந்து முகங்கள் கொண்ட இசைக்கருவி ஐமுகமுழவு அல்லது குடமுழா. அடிப்பக்கம் செம்பு (தாமிரம்) அல்லது வெண்கலத்தால் உருவாக்கப்பட்டிருக்கும். மேற்பாகம் தோல் பயன்படுத்தி இழுத்துக் கட்டப்பட்டிருக்கும். மான் தோலே அதிகமாகப் பயன்படுத்தப்படுகின்றது.  ஐமுகமுழவு சக்கரம் இணைக்கப்பட்டு இரும்புச் சட்டங்களினுள் அமைக்கப்பட்டிருக்கும். இடம் விட்டு இடம் நகர்த்திச் செல்ல ஏதுவாக இது போன்ற ஏற்பாடுகள் செய்யப்பட்டுள்ளது. (கேரளாவில் மிழவு)



குடமுக்கு கும்பகோணம் ஆனது போல் ஐமுகமுழவு அல்லது குடமுழவு இன்று பஞ்சமுக வாத்தியம் என்றே பரவலாக அழைக்கப்படுகிறது. சில ஆய்வு கட்டுரைகள் புத்தகங்களை படிக்கும் பொழுது நாம் கவனமாக இருக்க வேண்டும். ”இசை” என்ற சொல்லே வடமொழியில் இருந்து வந்தது என்று ஒரு முனைவர் ஆய்வு கட்டுரை கூறுகிறது.  மேலும் சாம வேதமே நமது தமிழ் இசைக்கு முன்னோடி என்றும் கூறுகிறார்கள். எந்த ஆதாரம் இல்லாததும்  பல உள்நோக்கங்களை கொண்டதுமான இது போன்ற குப்பைகளை நாம் தெளிவுடன் புறந்தள்ள வேண்டும். பல ஆயிரம் ஆண்டுகள் பழமையான நமது தமிழ் இசை இன்று திருடுபோய்விட்டது. பஞ்சமுக வாத்தியம் என்று அழைப்பதை தவிர்த்து குடமுழா என்று நாம் அழைக்க வேண்டும்.





(வரலாற்று ஆய்வாளர் முனைவர் குடவாயில் பாலசுப்ரமணியன் அவர்கள் குடமுழா என்ற நூலில் இருந்து)



துத்தம், கைக்கிள்ளை, விளரி, தாரம்,
    உழை, இளி ஓசைபண் கெழுமப் பாடிச்
சச்சரி, கொக்கரை, தக்கை யோடு,
    தகுணிதம் துந்துபி தாளம் வீணை
மத்தளம் கரடிகை வன்கை மென்தோல்
    தமருகம், குடமுழா, மொந்தை வாசித்
தத்தனை விரவினோ டாடும் எங்கள்
    அப்ப னிடம்திரு ஆலங் காடே
(காரைக்காலம்மையார்)

(தமிழ் முரசு)

இதுவரை கேள்வி படாத, பார்த்திராத, கேட்டிடாத பழங்கால இசைக்கருவி.
தகவலுக்கு நன்றி,சக்தி.

ரமணியன்

T.N.Balasubramanian wrote:இதுவரை கேள்வி படாத, பார்த்திராத, கேட்டிடாத பழங்கால இசைக்கருவி.
தகவலுக்கு நன்றி,சக்தி.

ரமணியன்

மேற்கோள் செய்த பதிவு: 1314170

சமீபத்தில் தர்புகா என்றொரு தாள வாத்திய கருவி யை தர்புக சிவா என்பவர் படத்துடன் கண்டேன்,
ஐமுக முழவின் தற்காலத்திய பிறப்பு என எண்ணத் தூண்டுகிறது.

@சக்தி18

-
-
திருவாரூர் தியாராஜர் ஆலயத்தில் இசைக்கப்படும்
தமிழர் பாரம்பரிய இசைக்கருவி குடமுழா ஐமுகமுழவம்
பஞ்சமுக வாத்தியம்
- இசைப்பவர் தேவமங்கை

பாடல்
குடமுழா பற்றிய குறிப்புகள் 1,6,7,11 ஆகிய திருமுறைகளில் உள்ளன.

திருமுறை 1 - திருவெங்குரு - சம்பந்தர்

வண்டணைகொன்றை வன்னியுமத்த மருவியகூவிள மெருக்கொடுமிக்க
கொண்டணிசடையர் விடையினர்பூதங் கொடுகொட்டிகுடமுழாக் கூடியுமுழவப்
பண்டிகழ்வாகப்பாடியொர்வேதம் பயில்வர்முன்பாய்புனற் கங்கையைச்சடைமேல்
வெண்பிறைசூடி யுமையவளோடும் வெங்குருமேவியுள் வீற்றிருந்தாரே.

திருமுறை 7 - திருமுருகன்பூண்டி – சுந்தரர்

விட்டி சைப்பன கொக்க ரைகொடு
கொட்டி தத்தளகம்
கொட்டிப் பாடுமித் துந்து மியொடு
குடமுழா நீர்மகிழ்வீர்
மொட்ட லர்ந்து மணங் கமழ்முரு
கன்பூண்டி மாநகர்வாய்
இட்ட பிச்சைகொண் டுண்ப தாகில்நீர்
எத்துக் கிங்கிருந் தீர்எம் பிரானீரே

திருமுறை 7 - திருப்பைஞ்ஞீலி – சுந்தரர்

தக்கை தண்ணுமை தாளம் வீணை
தகுணிச் சங்கிணை சல்லரி
கொக்க ரைகுட முழவி னோடிசை
கூடிப் பாடிநின் றாடுவீர்
பக்க மேகுயில் பாடுஞ் சோலைப்பைஞ்
ஞீலி யேனென்று நிற்றிரால்
அக்கும் ஆமையும் பூண்டி ரோசொலும்
ஆர ணீய விடங்கரே

திருமுறை 11 - திருக்கைலாய ஞானஉலா

குடமுழவம் கொக்கரை வீணை குழல்யாழ்
இடமாம் தடாரி படகம் இடவிய

திருமுறை 11 - மூத்த திருப்பதிகம் - காரைக்காலம்மையார்

துத்தம், கைக்கிள்ளை, விளரி, தாரம்,
உழை, இளி ஓசைபண் கெழுமப் பாடிச்
சச்சரி, கொக்கரை, தக்கை யோடு,
தகுணிதம் துந்துபி தாளம் வீணை
மத்தளம் கரடிகை வன்கை மென்தோல்
தமருகம், குடமுழா, மொந்தை வாசித்
தத்தனை விரவினோ டாடும் எங்கள்
அப்ப னிடம்திரு ஆலங் காடே


நன்றி- தமிழ் முரசு - ஆஸ்திரேலயா

நன்றி, அரிய தகவல்கள் .

தர்புக வாத்தியம்.

தபலா தரையில் உட்கார்ந்து இருக்கும்.
தர்புகா தொடையில் உட்கார்ந்திருக்கிறது.
மிருதங்க நாத ஒலி கேட்கிறது.