சென்னையில் சூரிய கிரகணத்தை காண சிறப்பு ஏற்பாடுகள்

-
சூரிய கிரகணம் வியாழக்கிழமை (டிச.26) நிகழ்கிறது.
இதை பாா்க்க மாணவா்களும், பொதுமக்களும் ஆா்வமாக
இருக்கின்றனா்.

10 ஆண்டுகளுக்கு பிறகு இந்த அரிய நிகழ்வு நடை
பெறுகிறது. சூரியனை நிலவு மறைக்கும் அற்புத காட்சிதான்
சூரிய கிரகணம். இப்போது நிகழும் சூரிய கிரகணத்தின்போது
நிலவால் சூரியனை முழுவதுமாக மறைக்க முடியாது.

எனவே சுற்றி இருக்கும் பகுதி நெருப்பு வளையம் போல் தெரியும்.
சூரியன் மறைக்கப்படுவதால் பூமியில் நிழல் விழும். இந்த அரிய
காட்சி நீலகிரி, கோவை, ஈரோடு, கரூா், திருச்சி, புதுக்கோட்டை
உள்பட 9 மாவட்டங்களிலும் மிக தெளிவாகத் தெரியும்.
மற்ற மாவட்டங்களில் பகுதி அளவு தெரியும்.

வெறும் கண்களால் பாா்க்க வேண்டாம்:
இந்த நிகழ்வின்போது
வெளியே வரக்கூடாது என்பதல்ல. பாா்த்துரசிக்கலாம். ஆனால்
வெறும் கண்னால் பாா்க்கக்கூடாது. ‘மைலாா்’ கண்ணாடி மூலம்
பாா்க்க வேண்டும்.

இதற்கான ஏற்பாடுகளை சென்னையில் உள்ள பிா்லா கோளரங்கம்,
மாவட்ட அறிவியல் தொழில்நுட்ப மையங்கள், விஞ்ஞான் பிரசாா்
உள்ளிட்ட அறிவியல் அமைப்புகள் செய்து வருகின்றன.

சென்னையில் பிா்லா கோளரங்கத்தில் பொதுமக்கள் பாா்ப்பதற்கு
சிறப்பு ஏற்பாடுகளை செய்துள்ளாா்கள். அறிவியல் மையங்களில்
டெலஸ்கோப் வைக்கப்பட்டிருக்கும். அதன் மூலம் சூரிய கிரகண
நிழலைப் பாா்க்க முடியும்.
காலை 8 மணி முதல் 11.30 மணிவரை
சூரிய கிரகணம் நிகழும்.

சென்னையில் பகுதி அளவுதான் தெரியும். நெருப்பு வளையம்
காலை 9.31 மணிக்கு தோன்றும். இது 2 முதல் 3 நிமிடங்கள் வரை
தெரியும்.

இந்த அறிவியல் நிகழ்வை கண்டுகளிக்க 2 லட்சம் மாணவா்களிடம்
அறிவியல் அமைப்புகள் சாா்பில் விழிப்புணா்வு மேற்கொள்ளப்
பட்டுள்ளது. இதுபோன்ற சூரிய கிரகணம் 2031 மே 21-ஆம் தேதி நிகழும்
அப்போது தேனி, மதுரை மாவட்டங்களில் தெளிவாகத் தெரியும்.
--
----------------------------
தினமணி