பெரியவா சரணம் !

**krishnaamma** · **krishnaamma** Fri Dec 20, 2019 7:37 pm

பெரியவா சரணம் !

பெரியவா சரணம் ! WSeziiYiTyWxt05PHKZN+download

ஒரு சமயம் காஞ்சி மடத்துக்குப் பின்புறம் உள்ள மாட்டுக் கொட்டகையில் உள்ள பசுக்களுடன் ஒரு புதிய பசுவும் வந்து வைக்கோல் தின்று கொண்டிருந்தது. அதைக் கண்ட கார்வார் அந்த மாட்டை விரட்டினார்.

எதிர்பாராதவிதமாய் அங்கு வந்த மஹான் “ஏன் தீனி திங்கற மாட்டை விரட்டற” என்று வினவினார். கார்வார், “அது மடத்து மாடு இல்ல… யாரோடதுன்னு தெரியல அதுவா உள்ள வந்து திங்கறது” என்று கூறினார்.

அது கேட்ட கருணை மலை, “மாடு பாவம் வாயில்லா ஜீவன். எஜமான் யாருன்னும் தெரியல. அதை எங்க ஓட்டி விடறது? இங்கேயே இருக்கட்டும். நம்ம மாடு மாதிரி அதையும் நன்னா கவனிச்சுக்கோ. நம்ம வீட்டு விருந்தாளி அது. அதை காக்க வேண்டியது நம் கடமை” என்று உத்தரவிட்டார்.

பின்னர் ஒருநாள் கார்வாரை பெரியவா அழைத்து, “புதுசா வந்த மாட்டுக்கு ஒழுங்கா தீனி எல்லாம் போடறயா? அது பால் கறக்கிறதா? பாலை என்ன பண்ணறே?” என வினவினார். கார்வார் “நன்னா கறக்கறது” என்றார்.

உடனே தர்ம ஸ்வரூபமான காஞ்சி மஹான் சொன்னார், “மாடு திசை தெரியாம நம்மகிட்ட வந்துடுத்து. அப்படி தஞ்சம் வந்த ஜீவனை காக்க வேண்டியது நம் கடமை. ஆனால் அது நம் உடமை இல்லாததாலே அதன் பலனை நாம் அடையக் கூடாது” என்று கூறி அந்தப் பாலை அப்படியே அருகில் உள்ள சிவன் கோயிலில் அபிஷேகத்துக்கு கொடுத்து விடும் படி உத்தரவிட்டார்.

மஹானின் தர்மநெறியைக் கண்டு மெய்மறந்து நின்றார் கார்வார்.

நன்றி வாட்சப் !

பெரியவா சரணம் !

பெரியவா சரணம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக